web counter
LEXO PA REKLAMA!

SHKARKO APP

App Store
Google Play

Zyrtarizimi i gjuhës shqipe/ Meta mesazh shqiptarëve në Maqedoni

16 Janar 2019, 15:07, Aktualitet CNA

Presidenti Ilir Meta ka përgëzuar shqiptarët e Maqedonisë Veriore për miratimin e gjuhës shqipe në vendin fqinj.

?Ju përgëzoj përzemërsisht për përmbylljen me sukses të procesit të miratimit të Ligjit për përdorimin e gjuhëve, ku dhe gjuha shqipe zë zyrtarisht vendin e saj të merituar në Maqedoni.?-ka thënë Meta përmes një mesazhi urimi dërguar Kryetarit të Parlamentit të Maqedonisë, Talat Xhaferi

Më tej, Meta ka thënë që kjo është një ngjarje historike që përbën një hap të rëndësishëm në kuadër të zbatimit të Marrëveshjes së Ohrit.

?Kjo është një ngjarje historike dhe kuptimplote për shqiptarët, një arritje e madhe dhe e rëndësishme që i kontribuon demokracisë dhe garantimit të të drejtave të barabarta për qytetarët e të gjitha kombësive që jetojnë në Maqedoni. Kjo arritje përbën gjithashtu një hap shumë te rëndësishëm në kuadër të zbatimit të Marrëveshjes së Ohrit. Shqiptarët kanë qenë gjithmonë të orientuar drejt vlerave euroatlantike dhe në rastin konkret demonstruan një maturi të admirueshme dhe qëndrim konstruktiv.?-shkruan ai.

Kreu i shtetit vlerëson rolin që shqiptarët kanë luajtur në këtë proces dhe u uron suksese në zbatimin e mëtejshëm të këtij ligji.

?E vlerësoj jashtëzakonisht shumë rolin që Ju personalisht keni luajtur në këtë drejtim, duke i bërë krenarë jo vetëm shqiptarët e Maqedonisë, por të gjithë shqiptarët, kudo që ata jetojnë. Së bashku me urimet për suksese të mëtejshme në zbatimin sa më të mirë të ligjit, ju dërgoj dhe përshëndetjet e mia më të mira e vëllazërore”- mbyll mesazhin e tij Ilir Meta./CNA.al





Lajmet e fundit nga