Nëse janari është muaji që ju trishton më shumë, ja 5 arsye që ta “dashuroni”

9 Janar 2019, 13:53, Lifestyle CNA

Jemi në muajin e parë të vitit dhe të rizgjimit të organizmit pas periudhës së festimeve. Duhet t?i vendosni vetes një regjim ushqimor të balancuar dhe për më të tepër të konsumoni ushqimet që i nevojiten më së shumti tani organizmit.

1.Preshi

Pispili me presh

Preshi është një perime tipike dimërore, i pasur me vitaminë C, hekur dhe fibra. Njihet për vetitë e tij diuretike, laksative dhe anti-septike. Të gjitha këto e bëjnë ushqimin ideal për të luftuar anemitë e ndryshme, infeksionin urinar, bronkitin, gurët në veshka dhe për të ulur nivelin kolesterolin e keq në gjak. Preshi është shumë i shijshëm , ju mund ta hani në supë dhe gjellë, por edhe të pagatuar.

2.Rrepat

Sallatë me rrepa

Fatmirësisht rrepat gjenden në tregun shqiptar gjatë gjithë vitit, por studiuesit e ndryshëm rekomandojnë konsumin e tyre kryesisht gjatë dimrit. Në këtë periudhë mund të gjeni rrepa më të shijshme dhe të freskëta. Janë të pasura me vitaminë C, fosfor, fibra, vitaminë B6, kalcium, magnez dhe potas. Që të ruani të gjitha vlerat e saj ushqyese, këshillohet që rrepa të hahet e pagatuar.

3.Lakra e bardhë

Vite më parë nuk dihej pothuaj asgjë për lakrën e bardhë, por studimet e shumta kanë treguar që është një perime e shkëlqyer. Lakra është e pasur me vitamina C, A dhe K, fibra dhe squfur. Konsumi i lakrës forcon sistemin imunitar dhe mëlçinë. Është e dobishme për pastrimin e organizmit.

4.Kivi

Kivi është i pasur më fibra dietike dhe është një zgjedhje shumë e shëndetshme për diabetikët pasi ndihmon në kontrollin e nivelit të sheqerit. Është i njohur si një furnizues i shkëlqyer i vitaminave C dhe K. Është i dobishëm në parandalimin e kollitjes, astmës dhe problemeve me jashtëqitjen (konstipacionin).

5.Mandarina

Lëng me manderina

Konsumi i rregullt i mandarinës rregullon qarkullimin e gjakut, përmirëson funksionimin e zemrës, ul nivelin e kolesterolit të keq dhe shërben si një antioksidant i fuqishëm për organizmin. Vlen të ritheksojmë që mandarinat përmbajnë vitamina A dhe C, magnez, kalcium, kalium dhe fibra dietike.