web counter
LEXO PA REKLAMA!

SHKARKO APP

App Store
Google Play

Kisha e Shën Nikollës/ Përfundojnë punimet e fazës së parë të restaurimit

5 Janar 2019, 08:35, Aktualitet CNA

Përfunduan punimet e fazës së parë të restaurimit të Kishës së Shën Nikollës në Manastirin e Mesopotamit në Sarandë. Kjo kishë monument kulture e periudhës bizantine i ka fillimet e saj në shek. X.

Punimet konsistuan në: konsolidimin e plotë të strukturës në përgjithësi, trajtimi i mbulesës, plotësimin dhe restaurimin e dekoracionit të qeramikës në fasada, rindërtimin e kondrafortit nga jugu, plotësimin e mureve rrethues të manastirit si dhe të hyrjeve të vjetra në të etj..

Në një fazë të dytë gjatë vitit 2019 punimet do të përqëndrohen në pastrimet nga mbulimi që kanë pësuar afreskët e mbetur në interier, si dhe do të rivlerësohet çdo element autentik i brendshëm. Gjithashtu është parashikuar rihapja e dy dyerve në jug dhe një dritareje në veri dhe këto punime do të përfundojnë me restaurimin e dy nikeve në pjesën e narteksit.

Punimet u kryen nga kompania restauruese ?AD-STAR? shpk. me drejtues teknik prof. P.Thomo dhe u drejtuan nga Instituti i Monumenteve të Kulturës dhe prof. A.Meksi.
Projekti i Restaurimit të kësaj kishe është realizuar nga Bërthama e Trashëgimisë Kulturore e Kishës Orthodhokse Autoqefale të Shqipërisë me kërkesë dhe interesim të drejtpërdrejtë të Kryepiskopit Anastas.
Realizimi i projektit u drejtua nga përgjegjësi i Bërthamës së Trashëgimisë Kulturore ark. restaurator Gentian Stratobërdha dhe konsulent shkencor prof. Aleksandër Meksi.

Foto nga prof. Aleksandër Meksi





Lajmet e fundit nga