web counter
LEXO PA REKLAMA!

SHKARKO APP

Aksidenti i prefektit të Korçës/ Policia fshehu dhe manipuloi ngjarjen

5 Janar 2019, 08:57, Aktualitet CNA

Një aksident ka ndodhur pasditen e djeshme në fshatin Vlocisht të Korçës, në aksin nacional Korçë-Pogradec, ku janë përfshirë tre automjete, mes të cilave edhe automjeti tip Hundai Tucson i prefektit të Korçës, Dhori Spirollari.

Aksidentin në fjalë, CNA.al e ka vërtetuar edhe me video.

Burime nga vendngjarja i thanë gazetarëve të CNA.al se prefekti ka qënë në gjendje të dehur dhe shkak i aksidentit është bërë fakti se automjetet kanë qënë pa zinxhirë dhe pa goma dimri.

Ndërkohë mësohet se policia nuk e ka raportuar ngjarjen, pasi është quajtur një rast vetëm me dëme materiale, por ajo që ka ndodhur, sipas vetë personave të përfshirë në aksident është fakti se është fajësuar një nga tre mjetet, i cili ka qënë me targa greke.

Pra, faji është hedhur mbi një emigrant, ndërkohë që vetë mjeti i prefketit ka rrëshkitur dhe siç duket edhe në foton dhe videon e sjellë nga CNA.al ka qënë pa zinxhirë dhe pa goma dimri.

Megjithëse prefekti është edhe kreu i Emergjencave Civile për këtë qark dhe është njëriu i cili duhet të drejtojë gjithë operacionin për të pasur një situatë normale në rrugët e qarkut të Korçës.

Në fakt ai që ju bën thirrje qytetarëve për të vendosur zinxhirët qarkullon vetë pa zinxhirë. Më pas shkaktohet një aksident dhe ngjarja fshihet e manipulohet nga policia./ CNA.al

Video+foto-Aksidentohet prefekti i Korçës/ Ishte i dehur   

Moti i keq/ Aksident në aksin Korçë-Pogradec





Lajmet e fundit nga