E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Si po ja fut Luli, Arben Ristanit!

4 Janar 2019, 13:01, Aktualitet CNA

Në PD po vazhdojnë ethet për zgjedhjen e strukturave drejtuese. Me shpresë se kapja e një vendi në sekretariat të jep apo rijep mandatin e deputetit ka hapur shumë orekse.

Megjithëse ky parim në zgjedhjet e fundit të 2017-ës, nuk pati asnjë vlerë, kandidatë ka plot. Kryesisht në garë janë ata në detyrë dhe të tjerë rreth famijes, pasi tani listat se kush merr e kush jo poste, kalojnë më parë në filtrin e gruas dhe kunatit të Lulit, ku shpesh jep mendim dhe Odeta (një punonjëse e kompanisë që fshihet në aktivitetet e PD, pork a rol më të rëndësishëm se vetë Spaho e Paloka në PD).

Zyrat e zgjedhjeve dhe vendimeve të PD janë spostuar tek kompania e kunatit, godina e PD është thjesht selia ku Luli, shkon pas gjumit dhe kalon disa orë duke gënyer kë ti dalë përpara.

Së fundi në PD gara më e madhe po bëhet por pozicionin e Sekretarit të Përgjithshëm, post i cili duhet të jetë numri dy në rolin politik të partisë, por Ristani nuk mundi dot kurrë të ishte i tillë, jo sepse nuk donte , por sepse nuk e donte familja e cila në listën e saj të kandidatëve për deputetë e vendosi të katërtin në Vlorë, ku ky humbi dhe nuk u zgjodh as deputet.

Tani Arben Ristani kërkon ?shpërblim? që nga koha që i dha mandatin e kryebashkiakut të Tiranës Lulit dhe për faktet se nuk doli kundër Lulit në kur ai humbi turpshëm dhe e mbështeti të riszgjidhej, për më tepër mori pjesë në dy vjedhje dhe falsifikime rezultatesh, atë të Lulzim Bashës me Eduard Selamin, ku votat u katërfishuan dhe Kuvendin Kombëtar, ku votat u trefishuan. Vjedhje dhe manipulime votash në PD që mbajnë edhe vetë vulën e Ristanit.

Për këto punë e shërbime Ristani kërkon të rikonfirmohet në detyre, pasi në 4 vite s?ka bërë asgjë politikisht por vetëm çka thënë Luli. Kudo ku e ka cuar për të zbatuar urdhrat e tij, duke shpartalluar strukturat e PD nga Shkodra, në Vlorë, Korce e gjetkë.

Përballë Ristanit ka disa emra të tjerë si Enkelejd Alibeaj, Gazmend Bardhi dhe Albana Vokshi.

Në fakt përtej lobimeve të palëve që kërkojnë të kenë një post në secretariat, në PD kanë filluar sulmet ndaj Arben Ristanit. Dy deputetët e familjes si Ervin Salianji dhe Grida Duma kanë filluar akuzat ndaj Sekretarit të Përgjithshëm në detyrë. Ata (kupto familja) nuk duan që Ristani të rizgjidhet në detyrë dhe përballë faktit se ai po lobon fort kanë filluar dhe sulmet dhe akuzat.

I paaftë, pjanec, i dështuar dhe pa reputacion në struktura dhe opinion, janë akuzat që rëndom i dëgjon kundër Ristanit. Një sulm që në fakt vjen nga zyra e Lulit dhe familja, që tashmë e kanë vendosur që Ristani nuk do jetë më Sekretar i Përgjithshëm i PD-së. Se kush do jetë pasuesi pritet ta vendosë familja dhe më pas t?ja konfirmojnë dhe vetë Lulit. Tani duhet goditur dhe hequr qafe Arben Ristani./ CNA.al