E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

12 vjet për t’u diplomuar/ Pse Lulzim Basha fsheh diplomën e shkollës së lartë?

29 Dhjetor 2018, 12:22, Aktualitet CNA

Kryetari i Partisë Demokratike ditët e fundit është përfshirë në një skandal, atë të faktit se i është dashur 12 vite për të përfunduar universitetit.

Në CV-në e tij zyrtare, Basha shkruan se ka filluar shkollën në vitin 1993, ndërsa nuk thotë kurrë kur e ka përfunduar, por deklaron se nga viti 1999 punoi në Kosovë.

Së fundi një portal pranë tij dhe familjes së tij publikoi një përgjigje dhe një dokument nga universiteti i Ultreht, i cili shkruante se Lulzim Basha në vitin ?99 kishte mbaruar vetëm vitin e parë përgatitor. Pra në 6 vite Luli mori vetem diplomën përgatitore.

Më tej dokumenti i universitetit të Ultreht thotë se nga viti ?99-2005 ai mbylli studimet master. Në ato vite sistemi universitar nuk ka qenë Bolonja, pra bachelor 3 vjecar plus 2 vite master, por sistemi 4-vjeçar. Sipas po të njëjtit dokument rezulton që Luli të ketë studiuar 6 vite pasi kishte bërë më parë 6 vite të tjera për një diplomë përgatitore 1-vjeçare.

Për të përfunduar sistemin 4-vjeçar sërish ju deshën 6 vite dhe këtë me korrespondencë në rast se ka pasur, pasi ai vetë ka deklaruar se nga viti ?99-2004, kur ju bashkua KOP dhe PD ishte me punë në Kosovë.

Sistemi i vjetër 4-vjeçar universitar i përfunduar është i barazvlefshëm me 3+2 të Bolonjës, pra të njihet master profesional.

Përtej çdo paragjykimi nga lexuesit apo mërzie për militantët e PD-së, që tashmë e shohin ?lakuriq? kryetarin e tyre për të disatën herë si mashtrues. Me dokumentin dhe sqarimin e mediave të tij, që donin të hiqnin vetullat dhe nxorën sytë dalin shumë pikpyetje, të cilat i sqaron vetëm Luli, ose shumë shpejt CNA.al do çojë gazetarë për ta investiguar të plotë këtë skandal. Që të na kursejë shpenzimet, mjafton që Luli të publikojë diplomat, të sqarojë afatet, të thotë të vërtetën dhe kështu qetësohen të gjithë dhe sqarohen edhe pyetjet e mëposhtme.

Nga viti 1993-1999 kush e financoi shkollimin e Lulzim Bashës?

Cfarë studimesh kreu këto 6 vite?

A ka përfituar bursë nga SOROS?

Përfundoi Bachelor apo universitet 4-vjecar në 12 vite?

Kur hyri në KOP kishte apo jo diplomë?

Kishte apo jo diplomë kur kandidoi si deputet?

Këto janë disa pyetje që do ja kujtojmë shpesh kreut të PD-së do i shtojmë dhe të tjera, e në rast se nuk përgjigjet por e kalon në heshtje ashtu siç i pëlqen atij të mbulojë skandalet që i plasin, do ja sqarojmë ne të gjitha me një investigim të plotë./CNA.al

Lulzim Basha ka gënjyer edhe për shkollën e lartë/ Me korrespodencë dhe i ka zgjatur 12 vite