web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen detajet e marrëveshjes Rama-Basha/ PD e shkërmoqur dhe Luli lider

22 Dhjetor 2018, 12:15, Aktualitet CNA

Pas disa muajsh mungesë, Lulzim Basha përdori kauzën e studentëve për të thyer bojkotin dhe për t?u rikthyer në parlament.

Basha shkoi në Kuvend, gjuajti me vezë, bëri sherr dhe në fund të gjithë dolën të lumtur. Studentët shkuan në shtëpi, Luli justifikoi rikthimin në parlament dhe shpëtoi mandatet dhe i gjithë zjarri u fik nga ky i fundit, së bashku me Monikën..

Në fakt, Rama në një debat me Bashën dje nga salla e parlamentit tha se nëse do nxirrte mesazhet e tij me Bashën, demokratët do çmendeshin fare.

Ndërsa kreu i demokratëve akuzoi Ramën se ?mjafton të shohësh tabulatet e tua i ke plot me kriminelë që komunikon çdo ditë.?, kryeministri u përgjigj ?Mos aman se do dalin dhe komunikimet e mia me ty dhe pastaj do çmenden fare demokratët.?

Ndërkohë ka edhe një detaj tjetër, që ju ka shpëtuar shumë prej mediave dhe gazetarëve, apo atyre që ndjekin politikën e ditës.

Dje, Edi Rama ka thënë se i dha mundësinë Lulit të bëhet lider. Pra, mesa duket marrëveshja Rama-Basha ka një Pazar përtej asja që dihet, apo përtej asaj që kemi parë. Por, tashmë e faktuar dhe e vërtetuar.

Një marrëveshje që të bëhet Luli lidër, por të shkatërrohet Partia Demokratike. Është e ditur tashmë se Lulzim Basha ka vuajtur nga kompleksi i të qënit lider pasi nuk mundi të bëhet dot kurrë i tillë dhe gjithçka apo çdo resurs të PD-së e vuri në funksion të vetes së tij për t?u bërë një lider dhe për të krijuar profilin e një lideri.

Në fakt, për të arritur qëllimin e tij, për të arritur potencën e emrit të tij, nuk bëri gjë tjetër veçse shkërmoqi dhe shkatërroi Partinë Demokratike. Goditi elitën e saj, sipas shansit të dhënë nga Edi Rama.

Kryeministri i ndodhur në tension në parlament u tregua krejtësisht i sinqertë këtë herë, kur tha se i ka dhënë shansin për t?u bërë lider Bashës.

Në fakt, qëllimi i vërtetë duket të ketë qënë jo që Basha të bëhet lider, por të shkatërrohet Partia Demokratike. Tashmë kemi një PD shumë të dobët, të përçarë, në konflikte dhe Lulzim Bashën që kërkon të bëhet lider, duke ?udhëhequr? me një grup parlamentar qesharak, të paaftë, me kauza të pa vlera dhe me një parti të dobët e të pabesueshme, e cila dëbohet nga kauzat dhe protestat e studentëve dhe në finale gjithçka do ta vuajnë shqiptarët.

Mesa duket qëllimi i vërtetë i Edi Ramës ka qënë zhdukja e opozitës dhe këtë herë Lulzim Basha, për të ruajtur emrin e vet, e ka kryer misionin e tij./ CNA.al

Basha akuzon, Rama e pranon/ Flas në telefon me Lulin





Lajmet e fundit nga