web counter
LEXO PA REKLAMA!

SHKARKO APP

App Store
Google Play

E fundit!

x

Procedimi i 67 drejtuesve të mjeteve/ Policia shton patrullat në rrugë

21 Dhjetor 2018, 14:58, Aktualitet CNA

Policia e Shtetit, nëpërmjet një postimi në rrjetet sociale ka dhënë disa këshilla për qytetarët e Tiranës.

Sipas Policisë në kryeqytet janë shtuar patrullat policore për sigurinë e këmbësorëve.

Vetëm në ditët e fundit janë proceduar 67 drejtues mjetesh për mosdhënie përparsie ndaj këmbësorëve.

?Policia Rrugore e Tiranës duke parë shtimin e numrit të këmbësorëve dhe mjeteve, në rrugët e kryeqytetit dhe sheshet kryesore ku janë përqëndruar zonat festive, por edhe rrezikun që u kanoset këmbësorëve në vendkalimet e tyre dhe jo vetëm, ka shtuar ndjeshëm patrullat të cilat monitorojnë dhe dokumentojnë kryesisht shkeljet që janë burim i shtuar për aksidente rrugore, siç janë edhe mosdhënia e përparësitë ndaj këmbësorëve në vendkalimet e tyre.

Nga kontrollet policore në formën e patrullimit dhe monitorimit në disa segmente rrugore të cilat nga analizat e aksidenteve janë evidentuar si ?njolla të zeza? për shkak të rrezikshmërisë dhe pasojave që kanë sjellë here pas here këto ngjarje rrugore, janë evidentuar dhe proceduar 67 drejtues mjetesh për mosdhënie përparësie ndaj këmbësorëve, si dhe janë këshilluar shumë këmbësor që të përdorim vendkalimet e përcaktuara, si dhe të tregojnë kujdes të shtuar kur kapërcejnë rrugën, veçanërisht natën?,- njofton Policia./ CNA.al





Lajmet e fundit nga