web counter
LEXO PA REKLAMA!

SHKARKO APP

App Store
Google Play

E fundit!

x

Kaos në parlament/ Basha mban “peng” opozitën

20 Dhjetor 2018, 12:51, Aktualitet CNA

Rikthimi i opozitës në Kuvend ka qënë i zhurmshëm. Seanca e sotme ka vijuar me tensione dhe përplasje të forta mes mazhorancës dhe opozitës, që në nisje të saj.

Sapo mori fjalën, kreu i PD, Lulzim Basha i konsideroi deputetët e maxhorancës “një tufë horrash dhe banditësh?. Më pas ishte deputeti demokrat Endri Hasa, i cili qëlloi me vezë në drejtim të kryeministrit Rama.

Kyeparlamentari Ruçi ka ndërprerë seancën dhe njoftoi mbledhjen e Byrosë, ku u vendos përjashtimi për 10 ditë nga parlamenti i deputetit Hasa.

Por, deputeti Hasa nuk ka pranuar të lërë foltoren e Kuvendit, duke bërë që Ruçi të shtyjë katër herë seancën plenare.

Pra, ashtu sikurse ka vepruar edhe më parë, kreu i PD Lulzim Basha vijon të njëjtin skenar. Bllokon punimet e Kuvendit dhe mban peng opozitën.

Opozita prej disa muajsh ka bojkotuar punimet e Kuvendit, ndërsa sot gjetën justifikim studentët për të shpëtuar mandatet dhe ju rikthyen jetën parlamentare. Por, në vend që opozita të flasë me argumente dhe të detyrojë qeverinë të plotësojë kërkesat e Kuvendit, Lulzim Basha vendos të shkaktojë zhurmë dhe tensione, duke mos lejuar opozitën të ushtrojë të drejtën e fjalës.

Për të disatën herë, Lulzim Basha e tregon se është një patericë e Edi Ramës dhe se vijon ti qëndrojë marrëveshjes së 18 majit me këtë të fundit. Shkakton zhurmë dhe hedh shashka politike, duke tërhequr vëmendjen nga aktualiteti dhe fik zjarrin e urrejtjes ndaj Ramës.

Deputetët e opozitës sot kishin mundësinë t’i mbyllnin gojën Ramës, por Luli e bëri mirë detyrën edhe kësaj radhe, duke i mbajtur ata me skenare dhe show fasadë./ CNA.al





Lajmet e fundit nga