web counter
LEXO PA REKLAMA!

SHKARKO APP

App Store
Google Play

Karta e Studentit/ Zbardhen prapaskenat e projekt-vendimit

20 Dhjetor 2018, 11:32, Aktualitet CNA

Rrjeti Kombëtar i të Rinjve në Shqipëri kërkon konsultim të menjëhershëm të projekt- vendimit të Këshillit të Ministrave për Kartën e Studentit!

Pas deklaratave më të fundit të Kryeministrit për përgatitjen me urgjencë të një projekt-vendimi për Kartën e Studentit, Rrjeti Kombëtar i të Rinjtë në Shqipëri (ANYN) shpreh shqetësimin e tij të thellë mbi mungesën e plotë të konsultimit me studentët, të rinjtë, këshillat studentorë si dhe organizatat rinore të shoqërisë civile.

Ky pjokt-vendim i përgatitur në fshehtësi të plotë,pa informuar të rinjtë dhe pa u konsultuar me ta, vjen në një moment kur dialogu premtohet çdo ditë me dhe për studentët!

Mbi 210 mijë studentë dhe gjimnazistë në të gjithë vendin, prej vitesh vazhdojnë të mos kenë mundësinë e pajisjes së tyre me Kartën e Studentit apo Rinore, nga e cila do të përfitonin ulje në çmime në transport, libra, veshje, telekomunikacion, kancelari, kinema, muze, teatër dhe shërbime të tjera. Ditët e fundit,

Kryeministri i Shqipërisë është shprehur se qeveria ka bërë gati në një kohë rekord projekt-vendimin për Kartën e Studentit bazuar në atë të modelit Francez.

Ndërkohë, përgjatë këtyre ditëve asnjë nga organizatat studentore dhe rinore nuk kanë marrë asnjë ftesë për t?u konsultuar për këtë projekt-vendim, si dhe nuk ju është kërkuar asnjë mendim për përgatitjen e tij duke e kthyer këtë proces të njëanshëm dhe pa pjesëmarrje.

Rrjeti Kombëtar i të Rinjve (ANYN) i bën thirrje Kryeministrit, se nuk mund të vazhdohet më pa konsultime në vendim-marrje për çështje që prekin drejtpërdrejt të rinjtë, qofshin këta studentë, gjimnazistë etj!





Lajmet e fundit nga