web counter
LEXO PA REKLAMA!

SHKARKO APP

App Store
Google Play

E fundit!

x

Protestat studentore/ Reagon Dekanati i Fakultetit të Shkencave të Natyrës  

18 Dhjetor 2018, 14:47, Aktualitet CNA

Dekanati i Fakultetit të Shkencave të Natyrës ka reaguar në lidhje me protestat studentore.

Në një deklaratë për mediat, Dekanati i Fakultetit të Shkencave të Natyrës shprehet në mbështetje të  shqetësimeve të drejta të studentëve dhe zgjidhjes sa më të shpejtë institucionale të tyre.

Ndërsa, në lidhje me problematikat që lidhen me cilësinë e mësimdhënies, kërkimit shkencor dhe administrimit financiar, FSHN shprehet se ndjen përgjegjësi të plotë për ngritjen dhe vënien në eficiencë të mekanizmave rregullatorë, transparentë dhe të monitoruar përmes  një bashkëpunimi  të ngushtë me stafin akademik dhe studentët.

?Dekanati i Fakultetit të Shkencave të Natyrës, duke përcjellë me shqetësim e përgjegjësi  zhvillimet e fundit në lidhje me protestën e studentëve të universiteteve publike, në mbledhjen e jashtëzakonshme të tij të datës 18.12.2018, shprehet njëzëri në mbështetje të  shqetësimeve të drejta të studentëve dhe zgjidhjes sa më të shpejtë institucionale të tyre.

Njësitë bazë të  Fakultetit shprehën gatishmërinë për  analizimin dhe evidentimin e hollësishëm të problematikave me të cilat përballet institucioni ynë si pjesë e arsimit të lartë publik dhe adresimin e tyre në një kohë sa më të shkurtër  drejt institucioneve ligjvëvëse dhe ligjzbatuese.

Për problematikat që lidhen me cilësinë e mësimdhënies, kërkimit shkencor dhe administrimit financiar FSHN ndjen përgjegjësi të plotë për ngritjen dhe vënien në eficiencë të mekanizmave rregullatorë, transparentë dhe të monitoruar përmes  një bashkëpunimi  të ngushtë me stafin akademik dhe studentët.?-thuhet në deklaratë.





Lajmet e fundit nga