E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Aleatët, viktima të Lulzim Bashës

18 Dhjetor 2018, 12:51, Aktualitet CNA

Që prej muajit shtator, opozita ka bojkotuar seancat plenare të punimeve të Kuvendit.

Bojkoti parlamentar u iniciua nga opozita, me pretendimin se kjo është një shenjë proteste për kriminalitetin në vend.

Në fillim të sesionit parlamentar, opozita çdo të enjte zhvilloi takime paralele me punimet e Kuvendit, në rrethe, ku denoncoi situatën kriminale. Më pas u prezantuan edhe dy platforma, një për çlirimin e ekonomisë nga krimi dhe një për çlirimin e zgjedhjeve. Sa për të mbajtur ndezur debatin politik, Basha hodhi edhe një tjetër shashkë, atë për Vettingun në politikë.

Por, ndërkohë që bojkoti i opozitës nuk zgjidhi asgjë dhe për më tepër më shumë duket se i shërbeu Ramës, i cili miratoi çdo ligj pa u shqetësuar nga askush, sot Basha ka vendosur të rikthehet në parlament.

Gjatë një takimi që kreu i PD, Lulzim Basha ka zhvilluar me aleatët, është vendosur që këtë javë opozita të thyejë bojkotin dhe të marrë pjesë në punimet e Kuvendit.

Por, ka edhe një tjetër detaj. Mesa duket aleatët mbeten viktima të Lulzim Bashës.

Kreu i LZHK-së, Dashamir Shehu dhe kreu i PDK-së, Nard Ndoka kanë qënë kundër rikthimit në parlament.

Në një prononcim per CNA.al pak kohë më parë, kreu Lëvizjes për Zhvillim Kombëtar, Dashamir Shehi është shprehur se nëse opozita venso të kthehet tani në Kuvend, nuk do të kishte kuptim, sepse nuk ka zgjidhur asgjë.

?Është qesharake të kthehemi tani, kur u bë gjithë ky investim. Bojkoti është situatë e jashtëzakonshme dhe s?ka ndodhur asgjë që të na rikthejë në parlament. Nuk është plotësuar asnjë kërkesë e opozitës, as ligji për dekriminalizimin, historia për Vettingun e politikës, nuk ka asnjë moti për të ndërprerë bojkotin.

Mund të djegim edhe mandatet nëse kjo masë ekstreme do t?ja vlente që të bëhen zgjedhje me një situatë pa prezencë të krimit në zgjedhje edhe kjo do të bëhet.?-tha Shehi, disa javë më parë në një prononcim për CNA.al.

Por, edhe kreu i i Partisë Demokristiane, Nard Ndoka, në një prononcim për CNA.al( CityNews Albania) pak kohë më parë ka thënë se bojkoti është një vendim politik, për sensibilizim dhe një moment reflektimi edhe për mazhorancën. Gjatë prononcimit të tij për CNA.al kreu i Partisë Demokristiane tha se ?Në këto kushte mendoj se djegia e mandateve është rruga e vetme.?.

I vetmi pro rikthimit në parlament ishte kreu i Partisë Republikane, Fatmir Mediu, i cili është shprehur se opozita duhet të jetë në parlament./ CNA.al

Bojkoti opozitës/ Shehi kundër Mediut

Nard Ndoka kundër Mediut/ Të djegim mandatet