web counter
LEXO PA REKLAMA!

SHKARKO APP

App Store
Google Play

Dosja “Babale”/ Gazetari Jetmir Olldashi drejt arrestimit

18 Dhjetor 2018, 14:21, Aktualitet CNA

Disa muaj më parë, PD publikoi një audio-përgjim, sipas të cilit pretendohej se Agron Xhafaj, vëllai i ish-ministrit të Brendshëm, Fatmir Xhafaj, vijonte ende të drejtonte trafikun e lëndëve narkotike.

Në audio-përgjim, shtetasi Albert Veliu, apo i ashtuquajturi ?Babale?, i cili pretendohej se shfaqej në një bisedë me Agron Xhafaj, duke bërë pazare droge.

Dosja “Babale”, u denoncua nga Partia Demokratike disa muaj më parë dhe ishte deputeti Ervin Salianji, i cili rrihte gjoksin në korridoret e selisë blu, duke thënë se ishte ai që e kishte siguruar audio-përgjimin, që më pas nga hetimet rezultoi se ishte një montazh. Dosja në fjalë, tashmë nga Krimet e Rënda është dërguar në Prokurorinë e Tiranës.

Tashmë, në lidhje me dosjen ?Babale?  ndodhet në arrest Fredi Alizoti, i cili dyshohet si personi që ka imituar zërin e Agron Xhafajt, ndërsa Albert Veliu, apo i ashtuquajturi ?Babale? ndodhet në Kosovë, ku ka kërkuar strehim politik.

Ndërkohë, burime nga prokuroria bëjnë të ditur për CNA.al, se hapat e mëtejshëm të prokurorisë do të jenë kërkesa për heqjen e imunitetit ndaj deputetit Ervin Salianji, dhe thellimi i hetimeve mund të çojnë më pas edhe deri në arrestimin e gazetarit Jetmir Olldashi, i cili realizoi intervistën me Albert Veliun.

Të njëjtat burime theksuan se megjithëse çështja në fjalë ka humbur vëmendjen e opinionit publik, dosja është mbyllur dhe në rast se do të arrestohej gazetari Olldashi, pas arrestimit të Aleksandër Frangajt dhe Martin Lekës 25 vite më parë, ky do të ishte rasti i dytë kur një gazetar përfundon në pranga.

Herën e parë për nxjerrje të çështjeve të sigurisë kombëtare dhe tani pas hetimeve të zhvilluara për kallëzim të rremë./ CNA.al





Lajmet e fundit nga