Kur hajduti thërret, kapeni hajdutin

17 Dhjetor 2018, 10:38, Aktualitet CNA

Kryeministri Edi Rama është akuzuar si personi përgjegjës për vjedhjen dhe manipulimin e votave në zgjedhjet e kaluara.

Rama u akuzua nga opozita se kishte blerë zgjedhësit, kishte manipuluar votat, duke bërë gjithçka për interes të pushtetit të tij dhe për këtë është akuzuar shpesh si hajdut votash nga Lulzim Basha.

Ndoshta, Luli dhe opozita kanë të drejtë që të drejtojnë gishtin ndaj kryeministrit dhe kërkojnë që ai të largohet nga detyra sepse është kapur duke vjedhur.

Në fakt, që të ikë Rama duhet të vijë dikush tjetër që nuk vjedh votat e shqiptarëve. Përballë tij, kemi Lulzim Bashën, i cili është dhe alternative kryesore përballë Ramës, se Monikën nuk po e futim në llogari.

Dy ditë më parë është zhvilluar Kuvendi Kombëtar i Partisë Demokratike. Një Kuvend formal, i cili u vërtetua me fakte konkrete se ishte fillim e mbarim i manipuluar. Që nga shifrat e pasakta të shpallura zyrtarisht, tek personat që kanë votuar nga pesë apo gjashtë herë, tek mungesa 50 plus 1% e pjesëmarrësve për të pasur korum e deri tek lista e Këshillit Kombëtar, e cila është përmbysur dhe finale e saj e ka dorëzuar vetë Lulzim Basha tek komisioni i zgjedhjeve.

Pra, Lulzim Basha për të paktën disa herë është kapur duke vjedhur në shtëpinë e tij, ashtu siç u kap më shumë se një vit më parë duke vjedhur votat e garës formale për kryetar. Video me zë dhe figurë, në Vlorë, Korçë e gjetkë, të cilat tregonin sesi mbusheshin kutitë. E njëjta situatë ndodhi sërish, vetë Jemin Gjana na tregonte se në kutitë e votimit ishin gjetur 178 vota më shumë sesa njerëz kishin votuar.

Ky është rasti kur kryetari i partisë është kapur duke vjedhur votat e anëtarëve të tij, por ky është rasti edhe kur haduti bërtet kapen hajdutin. Luli është njësoj dhe më keq se Edi. Të dy janë hajdutë./CNA.al

Të gjitha faktet/ Si u manipulua Kuvendi Kombëtar i PD-së

Skandal-dokumenti/ Si u manipulua votimi dhe listat e Këshillit Kombëtar të PD-së

PD pranon manipulimin/ Shpërndan mandate edhe gjatë votimit

Lista/ Zgjidhen anëtarët e Këshillit Kombëtar të PD-së

Gazetari ironizon Bashën/ Lulit të shkretë ia hedhin gjithmon