web counter
LEXO PA REKLAMA!

SHKARKO APP

App Store
Google Play

E fundit!

x

CNA.al e denoncoi/ Komisioni i Medias shkarkon anëtarin e AMA-s, Zylyftar Bregu

17 Dhjetor 2018, 11:24, Aktualitet CNA

Rreth dy muaj më parë, CNA.al raportoi sesi Zylyftar Bregu, ose profesor Zylo siç e njohin, pedagog në Universitetin e Tiranës, anëtar i Bordit të AMA-s, ka përfituar rreth 5 hektarë tokë bujqësore me një kontratë për 90-vjet me Ministrinë e Bujqësisë, kur kjo e fundit drejtohej nga Edmond Panariti, ish-ministër i LSI-së.

Nuk mjafton që si pedagog paguhet nga taksat e shqiptarëve dhe me para publike, nuk mjafton që prej gati 7 vitesh është anëtar i bordit të AMA-s, sërish i paguar me para publike, por si i shkathët që është, profesor Zylo ka përfituar edhe tokë publike nga Ministria e Bujqësisë.

Ndërkohë, sot Komisioni i Medias ka shkarkuar nga detyra anëtarin e Autoritetit të Mediave Audiovizive, Zylyftar Bregun.

Një muaj më parë kreu i Autoritetit të Mediave Audiovizive, Gentian Sala, kërkoi nga  Kuvendi lirimin nga detyra të anëtarit të AMA-s, Zylyftar Bregu.

Sipas kërkesës së tij drejtuar Kuvendit, Bregu në kundërshtim me detyrimin kushtetues për ushtrimin e mandatit dhe në kundërshtim me ligjin organik të AMA-s ka lidhur kontratë qiraje me 2 korrik 2015 me Ministrinë e Bujqësisë për 4.2 hektarë në fshatin Picar, Vorë, me një afat përdorimi 99 vjet.

Autoriteti i parë përgjegjës për zbatimin e këtij ligji në raport me verifikimin e rasteve është vetë AMA, ndërkohë që autoriteti qëndror përgjegjës për zbatimin e ligjit të konfliktit të interesit është ILDKPI. Ky është vënë në lëvizje me kërkesë të institucioneve publike, palëve të interesuara dhe kryesisht me nismën e tij. Kuvendi i Shqipërisë është institucioni qëndror epror për Këshillin e AMA-s.

Pas kërkesës së bërë nga kreu i AMA-s është kryer verifikimi publik në QKB dhe ka rezultuar se Zylyftar Bregu është i regjistruar si person fizik në shkurt të 2015 me fushë të veprimtarisë ?kultivim ullishte dhe agrume? dhe statusi është ?aktiv?./ CNA.al

Dy rroga në shtet dhe 5 hektarë tokë/ Zyrtari që “rrëmben” ç?të mundet





Lajmet e fundit nga