E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Pse nuk flasin avokatët e krimit të Ramës, për universitetin?!

12 Dhjetor 2018, 11:54, Aktualitet CNA

Në vitin 2015 Reforma e Arsimit të lartë, pas një kontrolli që bëri Ministria e Arsimit në universitetet private duke mbyllur edhe disa prej tyre, sollën një ligj që sot pas tre vitesh ka dhënë efektet e tij negative, ç?ka ka bërë që studentët të dalin në rrugë.

Në fakt në atë kohë kur doli ligji, Edi Rama nxori avokatët e tij, të cilët në mënyrë të zjarrtë mbronin ligjin dhe u thoshin shqiptarëve sesa i mirë ishte ky ligj dhe sa e vlefshme ishte ajo reformë.

Kujtojmë këtu daljet mediatike të Henri Çilit, i cili me daullet e tij bërtiste pro këtij ligji dhe ja ku jemi sot. Kjo tregon atë që ne kemi thënë tre vite më parë, se ligji i arsimit të lartë ishte klientelist që do ta shkatërronte tërësisht sistemin. Nuk ishte zgjidhja. Avokatinë e tij, pra të Ramës dhe ligjit të tij e bënë edhe ?ushtarët? e sotëm të Lulzim Bashës.

Alfred Lela, në atë kohë mbështeste ligjin nëpër studio televizive dhe e quante pozitive reformën e Edi Ramës. Kuptohet, gjithçka bëhej në shërbim të Henri Çilit dhe universitetit të tij privat.

Publikisht e mbronte ligjin edhe Romeo Gurakuqi, sot deputet i Lulzim Bashës, i cili nuk ka thënë asnjë fjalë për protestat e studentëve.

Pro, ligjit të Ramës dhe kundër interesave të studentëve ishte edhe armata e UET-it e Henri Çilit, dhe ky i fundit tashmë ëshë zhdukur nga ekranet televizive. Në fakt të rinjtë që protestojnë tek Ministria e Arsimit, duhet të protestojnë edhe përpara surratit të Çilit dhe Lelës me kompani që pak kohë më parë bënin avokatin e ligjit të Edi Ramës dhe i sollën studentët deri këtu.

E në rast se sot po hedhin vezë drejt Ministrisë së Arsimit, disa kokrra prej tyre duhet t?i ruajnë dhe t?ja hedhin në surrat Lulzim Bashës, i cili tre vjet më parë bëri edhe ai rolin e avokatit, duke mos e çuar ligjin në Gjykatën Kushtetuese dhe politikisht duke futur një tufë nga njerëzit e UET-it në listat e deputetëve, që nga Romeo Gurakuqi tek Orjola Pampuri, Ervin Salianji, Vali Duka e shumë të tjerë.

Ata që dje kanë qënë pro ligjit dhe kundër studentëve, sot ndodhen deputet si përfaqësues të Lulit dhe avokatë të atij krimi të cilin Rilindja e bëri me votat e saj dhe të LSI-së dhe me bashkëpunimin e Republikës së re./ CNA.al