web counter
LEXO PA REKLAMA!

SHKARKO APP

App Store
Google Play

E fundit!

x

Foto-Studentët nuk dorëzohen/ Protesta zhvendoset sot tek parlamenti

13 Dhjetor 2018, 07:40, Aktualitet CNA

Studentët duken të vemdosur deri në plotësimin e të gjitha pikave të kërkesës së tyre, ndërsa sot hyjnë në ditën e dhjetë të protestës.

Protesta studentore ditën e djeshme u zhvillua në dy vende të ndryshme. Një grup protestuan përpara Kryeministrisë, ndërsa një grup tjetër para Ministrisë së Arsimit.

Ndërkohë, sot pritet që të gjithë studentët të protestojnë përpara Kuvendit të Shqipërisë në orën 10:00, pikërisht atëherë kur do të fillojë edhe seanca plenare e javës.

Grumbullimi i studentëve do të bëhet nëpër fakultetet e tyre si gjatë këtyre dhjetë ditëve , në orën 8:30 deri në 9:30 dhe më pas do të nisë marshimi drejt parlamentit.

Por, studentët kanë vendosur edhe një kusht për pjesëmarrësit: “Protesta duhet të vazhdojë paqësisht deri në mbarimin e seancës parlamentare dhe sapo seanca të përfundojë, do të përshkallëzohet tek Kryeministria. Studentët e kanë vendosur,? thuhet në përfundim të njoftimit.

Ndërkohë, pavarësisht të ftohtit një grup studentësh sërish mbrëmjen e djeshme kanë qëndruar tek Kryeministria dhe një grup tjetër tek Ministria e Arsimit.

 





Lajmet e fundit nga