E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Ish-ministri i Ramës pro studentëve/ Shqiptarët duhet ta heqin lakun nga fyti

12 Dhjetor 2018, 18:09, Aktualitet CNA

Ish-ministri i Drejtësisë, Ylli Manjani reaguar sot për skandalet e kompanisë DH Albania dhe protestat që po shtohen çdo ditë e më shumë.

Në një postim në rrjetet sociale, Manjani shkruan se me paratë e vjedhura nga Shqipëri po mbushen bizneset në Amerikë, ndërsa pronarët shqiptarë po shkatërrohen, duke paguar tarifa pa fund.

?Me paret e vjedhura po mbushen parajasat fiskale dhe po ushqehen biznese të majme në Amerike e jo vetëm! Koncesione, PPP e tendera publikë janë vetëm mjetet ?ligjore? të vjedhjes së parave e të pasurisë publike.

Ndërkohë që pronarëve të vërtetë, Shqiptarëve, ju vihet laku në fyt me taksa e tarifa pa fund,?-thotë ai.

Ish-ministri thekson se ekonomia informale e të fortëve ka korruptuar vetë demokracinë.

?Ekonomia informale dhe ?mëshira? apo ?bamirësia? e të fortëve, trafikantëve apo push-tetarëve zëvendësojnë mungesën e shtetit, kur njerëzit kanë nevoja jetike. Kjo skemë (që nuk ka lindur sot) ka korruptuar vetë demokracinë, por edhe ka neveritur politikën e cila është kalbur tërësisht.?-shkruan Manjani.

Sipas tij shtetin nuk e beson më askush dhe ai bëhet i gjallë vetëm për të marrë tarifat.

?Shtetin nuk e beson më askush. Ai shfaqet vetëm për të të marrë paret (tarifat) ose për të të hedhur hekurat. Zgjidhje të reja nuk po duken. Neo-marksistë e neo-komunistë e neo-fashistë e neo-dreq i mallkum përpiqen të zënë vend, por janë pjellë e sistemit të kalbur.?-vijon ai.

Në fund të postimit Ylli Manjani shpreson që portesta të mos shuhet dhe shqiptarët të mos e pranojnë më litarin te qafa.

?Nuk e di, por ende shpresoj që ky popull do ta refuzojë litarin në qafë?. Ndërkohë nëse kjo protestë e Studentëve shuhet, përveç shpresës që mbytet keqas, familjet do duhet të nxitojnë pak me ato pagesat e tarifave. Pak më vonë do shtohen edhe kamatëvonesat e këtyre ditëve. Ende nuk dua ta mendoj këtë fund!?-mbylll postimin në rrjetet sociale ai./CNA.al