web counter
LEXO PA REKLAMA!

SHKARKO APP

App Store
Google Play

Aleksandër Meksi nxjerr bllof Bashën/ PD-ja u themelua më 12 dhjetor, jo në 11

12 Dhjetor 2018, 15:55, Aktualitet CNA

Ish-kryeministri, Aleksandër Meksi me anë të një postimi në rrjetet sociale ka thënë se Partia Demokratike është themeluar me 12 dhjetor dhe  jo në datën 11.

Kurse kreu aktual i Partisë Demokratike, Lulzim Basha e ka festua gjatë ditës, së djeshme themelimin e PD-së.

?Si sot 28 vite më parë më 12 dhjetor 1990, e mërkurë dhe ajo, një grup studentësh, pedagogë dhe intelektualë në vijim të protestave studentore që filluan më 8 dhjetor e që vazhduan për 4 ditë e të mbështetura dhe nga dhjetëra mijëra qytetarë të Tiranës e të tjerë, themeluan Partinë Demokratike. Një Parti e të gjithëve, studentë, intelektualë e punonjës, e atyre që aspironin një Shqipëri të çliruar nga diktatura komuniste, një shtet të së drejtës e me Liri ekonomike, nje SHQIPËRI SI GJITHË EVROPA?, – shkruan Meksi.

Më tej në postimin e tij ish-kryeministri shkruan, se nuk beson që kujtimet e atyre ditëve shlyhen nga kujtesa e pjesëmarësve në protesta e mitingje.

?Unë jam i bindur se një ditë ëndërrat dhe shpresat e tyre do të realizohen. I Uroj gjithë miqve e dashamirëve e veçanërisht studentëve të djeshëm e të tanishëm Gëzuar 12 DHJETORIN e PD? ? ka përfunduar Aleksandër Meksi në postimin e tij./ CNA.al





Lajmet e fundit nga