web counter
LEXO PA REKLAMA!

SHKARKO APP

App Store
Google Play

Prezantohet projekti / Përmirësimi i raportimit gjatë fushatës për zgjedhjet vendore

12 Dhjetor 2018, 14:18, Aktualitet CNA

Autoriteti i Mediave Audiovizive (AMA) në bashkëpunim me Fondacionin Konrad Adenauer (KAS) dhe Departamentin e Gazetarisë dhe Komunikimit në Universitetin e Tiranës, ditën e mërkurë, datë 12 Dhjetor 2018, prezantuan fillimin e projektit ?ZGJEDHJET LOKALE DHE MEDIA?. 

Në prag të zgjedhjeve vendore në qershor të vitit 2019, të tre partnerët angazhohen se do të organizojnë disa aktivitete trajnimi për përmirësimin e raportimit gjatë fushatës për zgjedhjet vendore me gazetarë lokalë në qarqe të ndryshme të vendit.

Synimi është rritja e cilësisë së mbulimit të procesit zgjedhor, ku gazetarët do të kenë mundësi të përvetësojnë njohuri dhe të shkëmbejnë eksperienca se si të përmbushin funksionin e tyre në bazë të parimit: Gazetari nuk duhet t?i mësojë votuesit se për kë të votojnë, por t?u tregojë se për cfarë votojnë.

Në fjalën e mirëseardhjes, Kryetari i AMA-s, Gentian Sala falenderoi fondacionin gjerman për mbështetjen dhe përshëndeti bashkëpunimin me Departamentin e Gazetarisë dhe Komunikimit në UT.  Sala veçoi se cilësia e raportimit të ngjarjeve dhe sidomos të zgjedhjeve mbetet një ndër faktorët matës të demokracisë.

Drejtori i zyrës për Shqipërinë i KAS,  Walter Glos, vuri theksin në rëndësinë e ngritjes së një demokracie të qendrueshme dhe të shpërndarë për të gjithë qytetarët. Ai tha se KAS po ndihmon me gjithë mjetet që ka për forcimin e demokracisë në vend ?Gazetarët lokalë janë një instrument për të kuptuar më mirë dinamikat e vendit?.

Mark Marku, shef i Departamentit të Gazetarisë dhe Komunikimit në UT e vlerësoi projektin dhe u shpreh optimist për arritjet e tij. Po ashtu ai përmendi edhe bashkëpunimet e deritanishme me AMA-n dhe vlerësoi se me ndihmën e secilit nga këto bashkëpunime ka ndikuar tek cilësia e gazetarisë, gazetarëve, studentëve dhe e raportimit të lajmit.





Lajmet e fundit nga