web counter
LEXO PA REKLAMA!

SHKARKO APP

App Store
Google Play

Protesta e studentëve/ Manjani: Nuk është punë ministrash, gjëma arsimore

10 Dhjetor 2018, 14:53, Aktualitet CNA

Ish-ministri i Drejtësisë në Qeverinë Rama 1, Ylli Manjani ka reaguar pas komunikimit live, që kryeministri zhvilloi në rrjetet sociale lidhur me protestën e studentëve.

Në një postim në rrjetet sociale Manjani ka shkruar se  edhe pas monologut të orës 11:00, Rama duhet të jetë i qartë kristal se nuk është punë ministrash kjo gjëma arsimore!

?Lindita, por edhe ministra të tjerë mund ti akuzosh maksimumi pse janë luajal ndaj shefit të tyre, kur litari vijon të shtrëngojë fytin e popullit. Por litari është ideuar, skicuar dhe vendosur nga KRYEMINISTRI. Pa asnjë dyshim Ai është fajtor për çdo gjë.

Askush nuk është thirrë në atë kabinet për të kontribuar me ide, por për të zbatuar idetë e Tij. Cilido që ka një ide, mendim apo largqoftë qëndrim tjetër nga i Tij, shkarkohet!?, – ka shkruar Manjani në postimin e tij.

Më tej ish-ministri shkruan se kushdo që kërkon faj tek ministrat, automatikisht është në krah të kryeministrit, Edi Rama.

?Është në krah të problemit jo të zgjidhjes. Nuk e di edhe sa prova të tjera duhen dhënë që të kuptohet kjo gjë?, – përfundon ai në postimin e tij./CNA.al





Lajmet e fundit nga