web counter
LEXO PA REKLAMA!

SHKARKO APP

App Store
Google Play

E fundit!

x

Protesta te Unaza e Re/ Basha: Po u hapet rruga kriminelëve

8 Dhjetor 2018, 16:55, Aktualitet CNA

Kryetari i Partisë Demokratike, Lulzim Basha i është bashkuar edhe mbrëmjen e sotme protestave të banorëve të Astirit, për ndalimin e shkatërrimit të banësavë nga projekti i Unazës së Madhe.

Gjatë fjalës së tij para mediave, Basha theksoi se arsyeja pse qeveria do të shkatërrojë banesat te Unaza e Re, është që t?i hapet rruga kriminelëve për të ndërtuar pallate.

?Kriminelët presin të bëjnë pallate këtu. Këtu ku do të prishen këto shtëpi kriminelët do të bëjnë pallate?,- u shpreh Basha.

“Ndërkohë që mbahen në qeli, banorë të Unazës së Re, në ato qeli ku duhet të jetë Damian Gjiknuri, në ato qeli ku duhet të jetë Afrim Qendro, në ato qeli ku duhet të përgatiten nga më i pari, e deri tek më i fundit, i përfshirë në këtë aferë korruptive dhe pastrimi parash. Për të vjedhur 40 milionë euro tek Unaza e Re, Edi Rama dhe banda e tij e hajdutëve, bashkë me Damian Gjiknurin, Afrim Qendron me shokë, bashkë me Erion Velinë, për një muaj e gjysëm me radhë, kanë derdhur këtu dhunë, sharje, fyerje, helmin e përçarjes.

-Kush e ka fuqinë në këtë shtet që të gjitha mekanizmat e shtetit: QKR-ja, APP-ja, Policia e Shtetit, Policia Bashkiake, IKMT-ja; të gjitha të vijnë këtu të sinkronizuara, për të bërë terror dhe padrejtësi, për të shkelur ligjin me të dyja këmbët? Kush e ka këtë fuqi në këtë shtet? Shqiptarët e dinë mirë se kush e ka fuqinë ta bëjë këtë. Një njeri që qendron në krye të kësaj afere. Prapa kësaj afere qëndron vetë Edi Rama.

Ajo që Unaza e Madhe ju tregoi shqiptarëve, është se përveç kësaj skeme të madhe vjedhjeje, Edi Rama ka bërë gati edhe një skemë të pastrimit të parave të veprës penale. Sepse kompania në parajsën fiskale Delaware, për të cilën janë manipuluar shkresa dhe firma e Sekretarit të Shtetit të Delaware, nuk është gjë tjetër vetëm se konto sekrete bankare e atyre të cilët kanë planifikuar dhe ideuar të përfitojnë nga vjedhja në Unazën e Re.

-Nuk ka e nuk mund të ketë zgjidhje të pjesshme, duhet të ketë një zgjidhje për të gjithë vendin. Një zgjidhje e cila duhet të kalojë në radhë të parë nga drejtësia. i dëgjuat banorët sot, kërkojnë drejtësi. Kërkojnë drejtësi, meritojnë drejtësi, duhet t?ju japim drejtësi. Duhet të dalin bijtë e tyre nga qelitë dhe duhet të shkojnë ministrat e zyrtarët e korruptuar në ato qeli. Duhet të merret nën hetim urgjentish Edi Rama, duhet të hetohet pasuria e tij dhe e personave të lidhur me të. Duhet të veprojë drejtësia dhe këtë kërkon populli. Nëse nuk vepron drejtësia, historia na ka mësuar se populli vepron dhe merr në dorë fatin e tij”,- tha Basha./ CNA.al





Lajmet e fundit nga