web counter
LEXO PA REKLAMA!

SHKARKO APP

App Store
Google Play

E fundit!

x

Kryepiskopi Janullatos ka ngushëlluar të dyja familjet

8 Dhjetor 2018, 07:42, Aktualitet CNA

Shkrimtari shqiptar Gazmend Kapllani, i cili jeton në SHBA, disa ditë më parë ka reaguar lidhur me vrasjen shqiptarit Petrit Zilfa në Korfuz, nga një anëtar i Agimit të Artë.

Kapllani i ka bërë thirrje shtetit shqiptarë që të mos heshtë, pasi ndryshe heshtja në këtë rast është bashkëpunim  në krim.

Kapllani ndër të tjera shkruante se shpreson që kryepeshkopi Anastas Janullatos të ngushëllojë edhe familjen e të ndjerit Petrit Zilfa, siç bëri në rastin e Katsifës ?një talibani me kallash që urrente cdo gje shqiptare dhe njerezore rreth vetes?.

Por, pas kësaj deklarate ka reaguar Kisha Orthodhokse Autoqefale e Shqipërisë, e cila thotë se Kryepiskopi Anastas Janullatos ka ngushëlluar të dyja familjet.

?Disa faqe interneti dhe gazeta shqiptare u ngutën të ribotojnë një artikull të z. G. Kapllani, që kishte si argumentin e tij kryesor një nënkuptim fyes, ku thoshte se Kryepiskop Anastasi u interesua dhe shprehu ngushëllimet e tij vetëm për familjen Kacifas dhe se u tregua indiferent për familjen e Petrit Zilfës, që u vra në mënyrë të padrejtë.

Ky pohim është krejtësisht i pavërtetë! Kryepiskopi Anastas ka ngushëlluar të dyja familjet. Ai i shprehu ngushëllimet e tij familjes Zilfa, më 5 dhjetor 2018.
Ata që e njohin se si është e vërteta, e dinë fare mirë se Kryepiskopi Anastas merr pjesë me respekt dhe dhembshuri në vuajtjen e njerëzve dhe përballet me ngjarjet, në heshtje dhe gjykim të thellë, pavarësisht kërcënimeve, që merr kohë pas kohe nga grupe ekstremiste të të dy vendeve. Qarqe të mirëinformuara dhe objektive në Shqipëri dhe në Greqi, e njohin mirë faktin se, për 27 vite, Kryepiskopi Anastas lufton për paqen, mirëkuptimin dhe respektin reciprok midis njerëzve dhe popujve.?-thuhet në deklaratë.





Lajmet e fundit nga