web counter
LEXO PA REKLAMA!

SHKARKO APP

App Store
Google Play

“Ngelësit”/ Studentët-Ramës: Nuk i nënshtrohemi arrogancës

5 Dhjetor 2018, 14:03, Aktualitet CNA

Studentët janë të vendosur dhe  do  vazhdojnë me protestat e tyre kundër tarifës për provimet e mbartura.

Nga protesta që zhvilluan përpara Ministrisë së Arsimit tek rruga e Durrësit, ata thanë se do të vazhdojnë të mbajnë këtë qëndrim, pasi ministrja Nikolla ka firmosur vendime që janë kundër interesave të studentëve.

?Ministrja ka firmosur vendime që janë kundër interesave të studentëve. Ne nuk jemi sqaruar aspak, nuk iu përgjigj pyetjeve tona. Kjo VKM si është miratuar ashtu duhet shfuqizuar.

Ajo na prek ne, ligji nuk paska efekt prapaveprues, kjo do prekë të gjithë ata që hyjnë në universitet. E vetmja mënyrë që donte ajo ishte të përçante studentët,?- u shpreh njëra nga studentët.

Ndërsa një student tjetër e quajti arrogancë reagimin e kryeministrit Edi Rama, i cili i cilësoi protestuesit si ngelësa.

?Derisa VKM të shfuqizohet, studententët do rrinë në rrugë duke bojkotuar shkollën.

U vendos që në çdo fakultet në Tiranë apo rrethe, orët e mëngjesit do bojkotohen dhe studentët do protestojnë deri në shfuqizim.

Rezistenca studentore do vazhdojë pasi do kuptohet që të drejtat e studentët duhet të vihen në vend.  Nuk do i nënshtrohemi një arrogance që kërkon të bëjë show me fjalët,?- tha studenti./CNA.al





Lajmet e fundit nga