Këshilli i Legjislacionit mblidhet për vettingun në politikë/ PS: E paligjshme

5 Dhjetor 2018, 11:52, Aktualitet CNA

Këshilli i Legjislacionit për Vetting në Politikë është duke zhvilluar një mbledhje për t?ju përgjigjur kërkesës së opozitës.

Në mbledhjen e drejtuar nga kreu i Kuvendit Gramoz Ruçi janë të pranishëm edhe deputetët e PD-së dhe të LSI-së.

Eksperti i Partisë Socialiste, Artur Metani e ka quajtur këtë kërkesë të paqartë dhe sipas tij struktura që do bëjë vettingun është i paqartë.

?Nuk mund të nisim vettingun në politik kur edhe nga ana e opozitës nuk është sqaruar plotësisht se si do të funksionojë ky proces. Jemi shumë të paqartë si do jetë struktura që do kryejë këtë proces, cili institucion do hetojë politikanët dhe në bazë të çfarë standardeve. Po ashtu kjo kërkesë bie në kundërshtim më Konventëne të Drejtave të njeriut.?- u shpreh Metani.

Ndërkohë nga ana tjetër Gazmend Bradhi, eksperti i çështjeve ligjore brenda Partisë Demokratike u mundua të sqaronte këto paqartësi dhe të tregonte se vettingu në politikë është shumë i rëndësishëm për disa arsye.

Bardhi deklaroi se vettingu do të krijonte një mirëqeverisje, transparencë dhe besim më të larta tek shoqëria.

?Parashikon kufizimin e të drejtës për të zgjedhur zyrtarve publik për një mirëqeverisje dhe transparencë në instancat e larta vendimmarrëse. Kufizimi me ligj është i pranueshëm në një shoqëri demokratike, si një masë që siguron mirëqevrisjen në një shoqëri demokratike. Kjo është një masë për funksionimin demokratik të organit njëlloj si gjyqtarët dhe prokurorët, pasi cënon në themel besimin dhe interesin publik të funksionimit.

Kjo i mundëson votuesit të lënë jashtë institucionit kandidatët e dyshuar për të shkuar kriminale ose figurë morale të cënuar.?-deklaroi ai.

Përsa i përket organit që do të merret me këtë çështje ai tha see duhet të jetë një organ i pavarur dhe të garantojë respektimin e të drejtës të parashikuar nga Kushtetuta.

?Amendamenti kushtetues nuk parashikon organin që do duhet të bëjë verifikimin e këtyre zyrtarëve, por në vlerësimin tim duhet të jetë një organ ekzistues kushtetues.

Për këtë arsye iniciativa sheh që organi të jetë i pavarur dhe që japë të gjitha garancitë për respektimin e të drejtës të parashikuar nga Kushtetuta, kushdo ka të drejtën e një verifikimi të barabartë e me ligj.?- u shpreh eksperti i PD-së.

Bardhi sqaroi edhe standardet mbi të cilat sipas tij duhet të hetohen politikanët.

?Për shkak të kufizimit në kohë nuk mund të jetë i njëjti mekanizëm që kryen kontrollin e figurës si në kohën e gjyqtarëve dhe prokurorëve. Mekanizmi duhet të jetë i ndryshëm në këtë rast. Ligji po ashtu duhet të bëjë një qartësim të subjekteve që do t?i nënshtrohen vettingut.Duhet shmangur çdo interpretimi abuzues ndaj subjekteve që do të hetohen nga vettingu.?-mbylli sqarimin e tij, Gazmend Bardhi./CNA.al