web counter
LEXO PA REKLAMA!

SHKARKO APP

App Store
Google Play

E fundit!

x

Do kandidojë për drejtimin e Bashkisë së Tiranës?/ Reagon ish-ministri i Ramës

5 Dhjetor 2018, 09:59, Aktualitet CNA

Ish-ministri i Drejtësisë në qeverinë ?Rama 1?, Ylli Manjani ka reaguar pas deklaratës së kryetares së LSI, Monika Kryemadhi e cila mbrëmjen e së hënës në emisionin “5 pyetjet nga Babaramo”, tha se ndër emrat e diskutuar nga opozita për kandidatë për kryetar bashkie të Tiranës është edhe Ylli Manjani.

Në një postim në rrjetet sociale, Manjani shkruan se ?Nuk kam marrë asnjëherë asnjë propozim zyrtar nga asnjë forum i asnjërës parti për të qenë kandidat. Ka pasur njerëz dashamirës të mi, politikanë, gazetarë dhe të tjerë që e kanë shprehur këtë gjë si dëshirë e tyre. Në këtë grup bën pjesë edhe kryetarja e LSI Zonja Monika Kryemadhi?

Manjani sqaron se, ka qenë një dëshirë e tyre dhe jo një propozim zyrtar e aq më pak pranim nga e ish-ministrit.

Më tej, Ylli Manjani rithekson se do të mbështesë idenë e një kandidati jo nga politika, ndërsa shkruan se ?Publikisht jam shprehur disa herë se do të mbështes me shumë zell idenë e kandidatëve jo politikë për bashkinë e Tiranës.

Tirana që prej vitit 2000 ka qenë peng i kryetarëve me axhendë politike. Kjo ?pengmarrje? në thelb ka dëmtuar qytetin, i cili u mbush me ndërtime kuturu ose u la pa financim e pa kontroll për shkak të debatit politik.

Për vite me radhë qyteti mbeti pa një plan rregullues, për shkak të këtij debati. Ndërtimet kuturu, gjej tokë e hap themele me studime pjesore u bënë nën justifikimin ?qeveria sna jep kompetenca?… nën këtë okelio qyteti mori drejtimin e zhvillimit kaotik që shohim sot.?.

Më tej, Manjani hedh akuza edhe ndaj kryebashkiakut Veliaj, ku shkruan se ?Për fat të keq edhe Tirana aktuale është pjesë e axhendës politike personale të kryetarit aktual. Ai si paraardhësit e tij, po e përdor bashkinë jo për punët e qytetit, siç propagandon, por për të forcuar kultin e tij si person. Kult i cili sugjeron gjerësisht se Ai është ?paardhës i Edi Ramës?.

?Në këto kushte, sugjerimi im ka qenë dhe mbetet që opozita të mbeshteste një kandidat tërësisht jo politik. Një inxhinier, menaxher, gazetar apo një profesionist të lirë që qytetaria e pranon me shumë qejf.

E përsëris: Tirana ka nevojë për kryetar Bashkie që të punojë për qytetin jo për partinë.

Dikush nga krahët politikë duhet ta hedhë hapin e depolitizimit të bashkisë Tiranë. Do t? dëshiroja që të ishte opozita e sotme e para që ta bënte këtë gjë.?-shkruan më tej ish-ministri.

Gjithashtu Manjani shkruan se ai personalisht vijon të jetë anëtar i forumit të një partie, pra emri i tij lidhet me politikën.

?Dua sdua unë, pavarësisht se mbetem kritik me partitë, formalisht jam ende anëtar i forumeve dhe kam mbajtur fuksione politike të larta. Pra emri im lidhet me politikë, pavarësisht se mendimet që shpreh janë krejt miat.

Kritikën ndaj Erion Velisë nuk e kam si rival, por si qytetar i zhgënjyer që dikur e ka votuar me shumë qejf.

Ndaj sot nuk kam se çfarë ti shtoj më shumë kësaj ideje që e kam stërthënë.?-thekson Manjani.

Sipas ish-ministrit, aktualisht është më alarmante fakti që nuk do mund të bëhen zgjedhje sesa kush konkurron në to.

?Dje kam shkruar se zgjedhjet e ardhëshme zgjedhësit do jenë pa karta identiteti, në lista votimi që sdihet se ku dhe të kanosur nga të fortët.

Këto janë fakte dhe jo supozime. Janë detyra ligjore që qeveria nuk i ka kryer dhe do ta ketë të vështirë për ti kryer.

Kjo është çështja kryesore që duhet të na shqetësojë!?-përfundon postimin Ylli Manjani.





Lajmet e fundit nga