web counter
LEXO PA REKLAMA!

SHKARKO APP

App Store
Google Play

Bixhoz me dashurinë/ Naintara arrestohet, Pinki i mashtron të gjithë, ja ç’do ndodhë sot

30 Nëntor 2018, 08:43, Aktualitet CNA

Pinki bie nga shkallët dhe thërret Shivain. Sahil i thotë Anikës se Naintara tentoi ta vriste por Pinki e shpëtoi. Pinki akuzon Naintarën se e ka shtyrë dhe prandaj ra nga shkallët. Anika nuk e beson dhe thotë se Pinki e solli në shtëpi Naintarën. Të gjithë habiten. Pinki justifikohet dhe thotë se po fliste me Naintarën sepse ajo po i kërkonte para.

Shivai e beson Pinkin dhe i bërtet Anikës. Ai telefonon policinë dhe Naintara arrestohet. Naintara paralajmëron Shivain se Anika do ja shkatërrojë familjen. Por e gjithë kjo është lojë e Pinkit. Ajo i ka dhënë para Naintarës për të aktruar sikur do e hedhë nga shkallët dhe më pas i ka premtuar se do e nxjerrë nga burgu. Pinki bën sikur i bie të fikët. Anika kujdeset për të. Sapo të tjerët largohen Pinki çohet nga shtrati dhe i thotë Anikës se nuk u rrëzua me të vërtet nga shkallët. Ajo i thotë Anikës se e urren dhe nuk e do në shtëpi prandaj e thirri Naintarën.

Pinki akuzon Anikën se po e ndan Shivain nga familja e tij. Anika preket nga fjalët e Pinkit dhe qan. Ajo shkon tek Shivai dhe mundohet ta bindë që po thotë të vërtetën por Shivai nuk e beson. Pinki shkon në treg me Priankën. Ajo blen një ilaç për djegien e duarve. Aty përballet dhe me Kaminin. Pinki paralajmëron Kaminin që Ranviri mos t?i afrohet Priankës. Gori e gjen Anikën duke qarë dhe mundohet ta qetësojë. Anika i thotë Gorit se e ndjen sikur motër dhe e përqafon. Nga ana tjetër edhe Om bisedon me Shivain. Anika dhe Shivai i kërkojnë faljë njëri-tjetrit.





Lajmet e fundit nga