E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Të gjitha vijat e kuqe të Lulit

24 Nëntor 2018, 14:02, Aktualitet CNA

Kryetari i Partisë Demokratike, Lulzim Basha në një dalje për mediat ka thënë se ?vija e kuqe? e Edi Ramës është Unaza e Madhe e Tiranës, janë investimi 40 milion dollarë në 2 km, për të cilat pretendon se kushton 2 mijë euro një centimetër katëror.

Në fakt mesa duket Lulzim Basha rrugën e mat për së gjati, nuk e mat për së gjëri, por kjo për ne nuk ka rëndësi. Këto janë pjesë e debatit politik.

Ne do të merremi me vijën e kuqe. Sot Lulzim Basha tha se vija e kuqe është Unaza.

Kur Fatmir Xhafaj do të bëhej ministër i Brendshëm, ai tha se vija e kuqe është Fatmir Xhafaj dhe do të kalonte mbi trupin e Lulit, kur u emërua një vit e gjysëm më parë.

Pastaj kur doli problematika e shembjes së Teatrit Kombëtar, doli e tha se vija e kuqe është Teatri. Doli e tha do shtrihem atje, unë do jem në krye të të gjithëve dhe nuk do të lejojmë shembjen dhe miratimin e ligjit që i hap rrugë shembjes së Teatrit.

Por, ligji u miratua në parlament dhe Lulzim Basha nuk vajti fare, Fatmir Xhafaj u bë ministër i Brendshëm, jo një herë, por dy herë dhe pastaj iku fare, por nga Lulzim Basha nuk pati asnjë problem.

Kur ndërtohej këndi i lojërave te liqeni, edhe atëherë Lulzim Basha na tha se vija e kuqe ishte liqeni, por edhe kjo iku e hiç asgjë nuk ndodhi.

Prandaj këto ?vijat e kuqe? të Lulit, e mira është që mos t?i artikulojë shpesh, ose të paktën t?i zbatojë, sepse kështu siç e ka zënë vijë e kuqe këtu dhe vijë e kuqe atje, po bëhet më qesharak se kurrë.

Për çdo gjë thotë se është vija e kuqe, ndërsa Rama dhe mazhoranca vazhdojnë e kalojnë në punën e tyre.

Rama vijon të qeverisë vendin, çështjet ecin përpara dhe Luli vazhdon e vendos vija të kuqe, të cilat të nesërmen bëhen të bardha, por kështu siç e ka nisur zor se ka për ta ngritur opozitën apo ka për t?u bërë ndonjëherë lider, thjeshtë dhe vetëm do të mbahet mend si kryetari i opozitës, që shënonte vijat e kuqe./ CNA.al