Akuzat e forta ndaj Ramës/ Deputeti zbulon çfarë e pengon integrimin e Shqipërisë në BE

24 Nëntor 2018, 13:56, Aktualitet CNA

Partia Demokratike vijon të hedhë akuza të forta ndaj kryebashkiakut të Durrësit, Vangjush Dako, duke kërkuar edhe arrestimin e tij.

Në një deklaratë për mediat, deputeti i Partisë Demokratike, Ervin Salianji ka folur sërish sot në lidhje me të ashtuquajturën ?Dosja 339?, për të cilën PD pretendon se ka provat që kryqëzojnë Dakon.

Deputeti Salianji hoqi edhe një paralele me një rast të ngjashëm që sipas tij ka ndodhur në Itali.

Sipas Salianjit një situatë e ngjashme në vendin fqinj bëri që Zv.kryeministri Luigi Di Maio të refuzonte një takim elektoral, në mënyrë që t?i jepte të gjithëve mesazhin se politika nuk bashkëpunon me krimin.

?Dosja 339 është dëshmi e qartë sesa larg Europës po e mban vendin Edi Rama.

Dje Zv.kryeministri i Itali Luigi Di Maio refuzoi të shkojë në një takim elektoral sepse kandidati i tij kishte dalë foto me nipin e bosit të drogës Provencano duke kërkuar nisjen e dialogut me familjen mafioze.

Në këtë mënyrë ai i jep një mesazh të fortë botës së krimit se ato vota nuk i duan dhe se shteti nuk përzihet me botën e krimit.? tha Salianji.

Më tej deputeti demokrat vazhdon të theksoi kontrastin e thellë të Italisë me vendin tonë, ku Rama në vend që të kërkonte arrestimin Vangjush Dakos apo Taulant Ballës i del në krah duke i mbrojtur.

Ndaj në deklaratën e tij Salianji thekson se kjo është arsyeja kryesore pse Europa ende nuk na ka bërë pjesë të saj.

?Ndërsa Edi Rama mbron Vangjush Dakon edhe pse arriti t?i merrte votat vetëm me ndihmën e mafiozëve.

Kontrasti midis dy qeverive është mjaft i qartë, në Itali refuzohen votat nga të afërmit e mafiozve, ndërsa në Shqipëri merren vetëm prej tyre.

Kjo pra është edhe arsyeja kryesore pse Europa nuk na pranon ende në familjen e saj.

Strategjia e Edi Ramës kërkon ta fus krimin si pjesë normalitet politik duke e bërë atë pjesë të shoqërisë

Vangjush Dako me bandën e Abdylajve dhe bandën e durrësit, Taulant Balla me trafikantin mik të falmiljes, Arben Ndoka, Mark Frroku e Armando Prenga janë shembujt ideal të qeverisjes kriminale të Edi Ramës.? shprehet ai.

Në fund të deklaratë deputeti i PD-së kërkon nga prokuroria që të ndjekë modelin italian dhe të avancojë në arrestimin e Dakos.

?Prokuroria duhet të avancojë dhe të arrestoj Vangjush Dakon. Shqiptarëve iu duhet modeli italian i përbuzjes së votave të krimit dhe jo ?Bashkëqeverisja? që i siguron Ramës votat vetmë në mënyrë kriminale.? tha Salianji./ CNA.al