web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Të gjithë emrat/ Gara për Këshillin e BSH, zbulohet edhe kandidati i dytë nga PD

24 Nëntor 2018, 13:19, Aktualitet CNA

Këshilli Mbikqyrës i Bankës së Shqipërisë ka 6 vende vakante nga përfundimi i mandatit 7-vjeçar të antarëve të zgjedhur.

Nga këto 6 vende, 3 i propozon Qeveria dhe 3 Kuvendi, më pas është ky i fundit që me shumicë votash zgjedh anëtarët e Këshillit.

Dje qeveria bëri zyrtar 3 emrat, të cilat janë, Suela Popa, Edlira Luçi dhe Ridvan Bode.

Vendimi i qeverisë duket se ka bërë dhe një shpërndarje politike Ridvan Bode ish ministër i PD, Suela Popa e LSI dhe Edlira Luçi nga PS.

CNA.al ka zbuluar dhe 3 emrat që pritet të propozojë Kuvendi, të cilët janë Florjon Mima nga PD dhe dy emra të tjerë nga PS janë, Arben Malaj dhe Artan Hoxha.

Proçedura e Kuvendit kërkon që  kandidatët të propozohen nga të paktën 28 deputetë, Lulzim Basha tashmë e ka vendosur kandidatin e tij. Për dy emrat e PS, Arben Malaj dhe Artan Hoxha ka ende debate. Malaj kundërshtohet nga kreu i komisionit të ekonomisë Erjon Braçe, ndërsa për dekanin Hoxha nuk ka kontestime.

Pritet që javën e ardhshme të ecet me mbylljen proçedurës dhe zgjedhjen e një pjese të antarëve të Këshillit Mbikqyrës të Bankës së Shqipërisë. Emri i përfaqësuesit të PD, do të votohet me kthimin e opozitës në Kuvend në fund të këtij viti.

E gjithë proçedura duket se mbyll dhe balancat politike dhe çdo debat të mundshëm në lidhje me përfaqësimin, pasi me emrat e propozuar nga qeveria dhe nga Kuvendi, nëse zgjidhen këta gjashtë emra që ne kemi përmendur më sipër, tre i përkasin mazhorancës, pra, PS-së, dy PD-së dhe një LSI-së./ CNA.al

Emrat për Bankën e Shqipërisë/ Zbardhet vendimi për Ridvan Boden dhe 2 kandidatët e tjerë





Lajmet e fundit nga