E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

I quan gjobaxhinj, Rama akuza Ylli Rakipit/ Nuk harron Çim Pekën dhe Artur Zhejin

23 Nëntor 2018, 17:10, Aktualitet CNA

Kryeministri Edi Rama në rubrikën ?Përgjigja ime? teksa ka replikuar me një komentues, i ka kthyer përgjigje edhe moderatorit të emisionit ?Të Paekspozuarit?, Ylli Rakipi, por nuk ka lënë pa përmendur edhe Çim Pekën e ?Syri.net? dhe Artur Zhejin e ?360 Gradë?, të cilët dihet botërisht që janë kundër Ramës.

Jo më kot këta gazetarë përmenden nga kryeministri Rama, kjo edhe për t?i mbajtur ata gjatë gjithë kohës në qendër të vëmendjes dhe aktiv në treg njëkohësisht.

Gjatë fjalës së tij Rama thotë se Ylli Rakipi ka përvetësuar 2.5 mln euro qera nga zyrat e OSHEE në pallatin në pronë të gazetarit, dhe më pas këto zyra janë shpërngulur.

?Habitem pse më sulmojnë kaq shumë Të Paekspozuarit . Mbase ka ardhur koha të ekspozoj një fakt që kushedi ka lidhje për Ylli Kadriun, ndryshe Ylli Rakipi që i ofroi OSHEE ndryshe e quajtur CEZ një garazh në pallatin plot 10 kate ndërtuar prej tij ku kryepritja për abonentin me një tualet për të gjithë stafin dhe abonentin bashkë dhe pa gjenerator në raste errësire.

Nuk e di po mendojeni në bazë të një kontrate absurde Ylli Kadriu ka marrë deri vonë në emër të pronarit Ylli Rakipi 2 milionë e 561 mijë euro qera. Po po, nuk e dëgjuat gabim plus 39 mijë euro garanci.

Këtë kontratë të paekspozuar ia prishi organizata kriminale e Rilindjes, e cila ka 1001 të këqija por të zezën që paratë e taksave dhe të mirat publike t?i ndajë me Ylli Kadriun, apo me shumë yje të tjerë të medias e politikës, që kanë rrezatuar me thënë të drejtën për shumë vite duke marrë nga pushteti i radhës energji financiar me hir a me pahir fatkeqësisht kjo organizatë kriminale nuk e ka.

Organizata jonë e Rilindjes ka dhe arrogancën që nuk i ha qoshja kurrë dhe hiç fare as për jashtënxjerrjet e ekspozuara e as për gjobat e paekspozuara të Ylli Kadriut, të Qimi.net Kadriut, të Artur Kadriut dhe të tërë kadrijve në politikë që i paguajnë këto materie të biodegraduara në formë ylli?,- tha Rama./ CNA.al