web counter
LEXO PA REKLAMA!

SHKARKO APP

App Store
Google Play

E fundit!

x

Lleshi viziton efektivët e plagosur/ Mesazh të fortë politikës

22 Nëntor 2018, 11:22, Aktualitet CNA

Ministri i Brendshëm, Sandër Lleshi ka vizituar në ambientet e spitalit efektivët e dhunuar në protestën e qytetarëve para dyerve të Parlamentit.

Lleshi është shprehur se kjo ngjarje nuk do të mbetet pa u zbardhur dhe i ka bërë thirrje të gjithë personave politikë të përfshirë në protestë të heqin dorë nga dhuna dhe mos ta marrin për dobësi maturinë dhe përgjegjshmërinë e Policisë së Shtetit.

?Konstatojmë që është goditur nga qytetarët të papërgjegjshëm policia. Gjithashtu është goditur dhe nga spektër politikë që inspirojnë dhunë ndaj Policisë së Shtetit.

Shpreh Solidaritetin ndaj Policisë që sot u përballën me këta banorë.

Janë një numër Policësh të dhunuar rëndë. I bëj thirrje përfaqësuesve politikë që të distancohen nga dhuna dhe akte të papërgjegjshme. I shpreh përkrahjen time familjes së efektivëve dhe u them se kanë mbështetjen tim në çdo rast. Qeveria shqiptare dhe institucionet janë të angazhuar për të zbatuar ligjet për këdo. Maturia dhe përgjegjshmëria e Policisë së Shtetit nuk duhet të merret si dobësi e saj. Dhuna nuk ka për t?u toleruar?,- u shpreh Lleshi./ CNA.al





Lajmet e fundit nga