web counter
LEXO PA REKLAMA!

SHKARKO APP

App Store
Google Play

Rama i vendosur të mos dëmshpërblejë banorët e Unazës së Re/ Nuk i meritojnë paratë e buxhetit

22 Nëntor 2018, 10:43, Aktualitet CNA

Abuzues që duan të grabisin paratë e buxhetit i ka quajtur kryeministri Edi Rama banorët e Unazës së Re, që kërkojnë dëmshpërblim për pronat e tyre. Duke i përmendur emrat secilit prej tyre në Kuvend, ai ka justifikuar mosdhëninen e dëmshpërblimit për pjesën më të madhe të tyre me faktin se janë zaptues, jo në nevojë të një strehe, që vijnë nga rrethet dhe e kanë bërë rrugë ndërtimin pa leje duke e bërë këtë edhe në zona të tjera të Tiranës.

Qeveria sipas tij nuk ka ku gjejë paratë për dëmshpërblimin e tyre pasi paratë e buxhetit do të shkojnë për rritjen e pagave. ?Po kujt t ja marrim rrogën Gjovalinit, nga Laçi i cili është në protestë edhe pse ka dy godina pa leje që i janë legalizuar të dyja në Kashar si edhe Z. Ramazan që me përdhunë jo vetëm që ka zënë shtratin e unazës por këndon sloganin shtëpia mbrohet me jetë. Ah.. Ramazan. 13 mln $ do shkojnë për të rritur pagat për mësuesit?, deklaroi Rama.

Ai ka vijuar më tej arsyetimin e tij me emrin e Palit që sipas tij ka dy objekte në Paskuqan, dhe një në Kombinat e ka bllokuar bllokuar rrugën te unaza e re. Kujtimi dhe Bashkimi janë banorët e tjerë me të cilët  është marrë Rama. ?Kujtimi  nga Bulqiza është i bindur që po nuk i dhamë lekët nuk i hap rrugë 1 mln budallenjve që hyjnë e dalin në Tiranë çdo ditë. Bashkimi është oligarku i këtij sektori, e ka nisur biznesin në Kombinat, me 4 ndërtime, i ka bërë edhe dy në Dajt dhe një në Ali Dem?, tha kryeministri. Ai i qëndroi vendimit të palëkundur për të dëmshpërblyer me bonus qeraje vetëm ata që janë në nevojë për strehim, ndërsa të gjitë emrat e përmendur më sipër do të mbeten pa dëmshpërblim./ CNA.al





Lajmet e fundit nga