web counter
LEXO PA REKLAMA!

SHKARKO APP

App Store
Google Play

E fundit!

x

Furgoni me 570 kg drogë/ Arrestohen 7 persona

22 Nëntor 2018, 08:30, Aktualitet CNA

Një sasi prej 570 kg lëndë narkotike e llojit kanabis është sekuestruar dje nga policia gjatë një aksioni antidrogë të zhvilluar në afërsi të Pikës së kalimit Kufitar të Qafë Thanës.

Sipas burimeve zyrtare, droga ishte e fshehur në shasinë e një furgoni mallrash me ngjyrë të bardhë, i cili i përket një firme fasonerie këpucësh me pronar Ilir Dautin. Ky mjet transporti dyshohej se do të kalonte fillimisht në Maqedonis nëpërmjet Pikës së kalimit Kufitare të Qafë-Thanës, ndërsa destinacioni përfundimtar nuk dihet ende.

Dyshohet se një numër i madh personash janë përfshirë në trafikimin e drogës së kapur në afërsi të pikës së kalimit kufitar të Qafë Thanës, ndërsa policia deri më tani ka arrestuar 7 persona dhe një tjetër e ka shpallur në kërkim. Në mesin e personave të arretuar është edhe drejtuesi i mjetit me ngarkesën prej 570 kg kanabis sativa.

Mjeti me targë AA 356 NA që po transportonte më shumë se gjysmë tonelate drogë rezulton të jetë në pronësi të një biznesi nga Qarku i Fierit. Në operacionin antidrogë morën pjesë policia e Elbasanit si dhe forcat speciale të cilët ndaluan furgonin me drogë jo shumë larg Pikës së kalimit kufitar me Maqedoninë, pasi e kishin mbajtur në vëzhgim të rreptë që nga vendi nga ku ishte nisur me ngarkesën e drogës./ CNA.al





Lajmet e fundit nga