Skandali me lobimet e PD/ Tjetër dosje nga SHBA, Lulzim Basha gati të fundoset

21 Nëntor 2018, 10:00, Aktualitet CNA

Në prag të fushatës elektorale për zgjedhjet parlamentare të 25 qershorit, Partia Demokratike e udhëhequr nga Lulzim Basha lidhi dy kontrata me lobistin e saj në Uashington, ?Stonington Strategies?, në mënyrë që të siguronte takime të nivelit të lartë me administratën e Presidentit Donald Trump.

Basha shpenzoi 675 mijë dollarë për të lobuar në SHBA, por në KQZ deklaroi shumë pak. Kjo është në shkelje të ligjit dhe për këtë arsye nisën hetimet nga prokuroria.

Ndërkohë, në Prokurorinë e Tiranës ka ardhur një dosje nga SHBA, në të cilën jepen të gjitha detajet e kontratave të PD me kompanitë lobuese.

Por sipas gazetës Sot, shumë shpejt do të vijë edhe një provë tjetër akoma më e fortë. Brenda këtij viti pritet të mbërrijë dëshmia e Nicolas Muzin, drejtor i kompanisë ?Muzin Capitol Partners?, e cila loboi në emër të PD. Muzin ka dhënë dëshmi pranë autoriteteve amerikane, pasi dhe atje kanë nisur hetimet. Ai ka folur atje për lidhjet me Lulzim Bashën dhe dëshmia e tij shumë shpejt do të mbërrijë në Tiranë.

Kjo dëshmi e tij shihet me shumë rëndësi, pasi vetë Muzin ka dhënë detaje se si u lidh me PD dhe të gjitha të dhënat mbi financat. Pra duket se SHBA ka gati dhe një dosje tjetër kundër Bashës dhe nëse prokuroria vërtetë do hetojë si duhet, mund të ketë zhvillime të forta në vend. Lulzim Basha u vendos nën hetim nga prokuroria, pas një investigimi të bërë nga mediat shqiptare dhe ato amerikane, mbi shpenzimet që janë bërë për lobime në SHBA. PD ka deklaruar në Komisionin Qendror të Zgjedhjeve rreth 160 mijë dollarë shpenzime, por në të vërtetë ka rezultuar se ka pasur një kontratë me vlerë 675 mijë dollarë me kompaninë ?Biniatta Trade LP?.

Lobimet ruse/ Prokuroria: Lulzim Basha arrestohet për financime nga krimi rus

“The Independent” artikull për ndërhyrjet ruse në Ballkan/ Ndalet tek lobimet për Bashën

DASH fundos Bashën/ Çfarë dorëzuan amerikanët në prokurori për lobimet

Lobimet ruse federale të Amerikës/ Bashës i ngushtohet laku

Lobimet ruse/ Prokuroria kopsit dosjen ndaj Bashës

Skandali me lobimet në SHBA/ Basha në fund të karrierës?!