web counter
LEXO PA REKLAMA!

SHKARKO APP

App Store
Google Play

“Merre fëmijën dhe largohu”, nëna që lindi mes zjarrit tregon si ia dorëzoi djalin një të panjohuri

21 Nëntor 2018, 14:10, Lifestyle CNA

Një nënë e cila u evakuua nga një spital në Kaliforni pas zjarrit që ra në pyje, tregoi se kishte bërë një pakt me një të panjohur nëse ndodhte më e keqja.

35-vjeçarja i kishte thënë një prej punonjësve të skuadrave të shpëtimit ,që nëse gjerat përkeqësoheshin, ta merrte djalin e saj të porsalindur dhe të largohej.

Rachelle Sanders po rikuperohej në spitalin Feather River në Paradise, Kaliforni, pasi solli në jetë djalin e saj, Lincoln, me anë të një ndërhyrjeje cezariane.

Rreth orës 7.30 të mëngjesit ajo u zgjua nga britmat e panikut të infermiereve që i thanë që spitali duhet të evakuohej.

Duke qene se ajo vetë nuk mund të ecte si pasojë e ndërhyrjes, mori vendimin që t?i lutej njërit prej shpëtuesve, se në rast se ajo nuk ia dilte, ta merrte fëmijën dhe të shpëtonte.

Fatmirësisht, çdo gjë shkoi mire dhe Rachelle nuk u nda nga djali i saj. Ajo pati fatin të bashkohej me bashkëshortin dhe dy fëmijët e tjerë. Shtëpia e tyre ishte djegur deri në themele, por fatmirësisht ata ishin të gjithë mirë.

Vatra e zjarrit e quajtur The Camp Fire, që deri më tani ka marrë 79 jetë njerëzish dhe 700 njerëz të humbur, ishte aq e nxehtë sa mund të shkrinte pjesët e makinave, duke përfshirë rrota alumini, gomën që rrethonte dritaret etj.

Camp Fire ka shkrumbuar rreth 150,000 hektarë tokë në Kaliforninë veriore dhe, që nga mbrëmë, mund të quhet 70 për qind i mbajtur nën kontroll.

Autoritetet kanë thënë se nuk presin që zjarri të shuhet  plotësisht deri më 30 nëntor.





Lajmet e fundit nga