web counter
LEXO PA REKLAMA!

SHKARKO APP

App Store
Google Play

E fundit!

x

CNA.al e paralajmëroi-Zyrtare, PD mbledh kuvendin më 15 dhjetor

19 Nëntor 2018, 18:06, Aktualitet CNA

Partia Demokratike do thërrasë Kuvendin Kombëtar më 15 dhjetor.

Ky vendim është marrë në takimin e dytë zhvilluar gjatë ditës së sotme, thirrur nga Lulzim Basha me të deleguarit në 1o qarqe të vendit. Një mbledhje e përsëritur kjo pas asaj të zhvilluar ditën e shtunë. Me të deleguarit e Durrësit e ka zhvilluar në mengjes dhe Tiranën sot në mbrëmje.

Ne takimin e zhvilluar në fundjavë ka pasur përplasje të forta për mënyrën si do ecet me tej, me kuvend të shpejtë, përfundim të procesit dhe me zhvillim të Kuvendit apo mbyllje të zgjedhjeve në çdo degë dhe kuvend e më pas drejtuesit qendrorë.

Debatet e forta për linjën e një kuvendi më 15 dhjetor dhe të mbyllen zgjedhjet në bazë, ashtu siç kishte paralajmëruar CNA.al . Zërat për kuvendin e dhjetorit i ka udhëhequr Grida Duma dhe Enkelejd Alibeaj të cilët në finale kanë mundur Oerd Bylykbashin, Aldo Bumçin, Arben Ristanin, Flamur Nokën etj, të cilët pretendonin se kuvendi në dhjetor dhe zgjedhjet në degë përpara zgjedhjeve lokale mund të përçajnë edhe më tej PD-në në bazë, ata kanë kërkuar që kuvendi kombëtar dhe zgjedhjet në degë të bëheshin pas zgjedhjeve.

Burime zyrtare nga PD i thanë CNA.al se të shtunën shumica e të pranishmëve në mbledhje kanë qenë kundër idesë për kuvend në dhjetor por në takimin e sotëm Lulzim Basha ishte i vendosur dhe deklaroi  se Kuvendi Kombëtar do thirret ne 15 dhjetor. Kuptohet,  pasi kërkoi 2 ditë konsultime në familje./ CNA.al

Zbulohet data/ Basha thërret Kuvendin Kombëtar, pa përfunduar riorganizimin

 

 

 





Lajmet e fundit nga