web counter
LEXO PA REKLAMA!

SHKARKO APP

App Store
Google Play

E fundit!

x

Ky Robin Hud po na befason me gjetjen e re/ Profesori i njohur degjeneron Ramën

19 Nëntor 2018, 14:34, Aktualitet CNA

Profesori i Universitetit të Tiranës, Agron Gjekmarkaj, në një opinion të tij, ka ironizuar kryeministrin Rama, lidhur me videot, që ky i fundit poston në rrjetet sociale, ku e paraqet veten si ?heroin shpëtimtar të familjeve në skamje?.

Gjekmarkaj shkruan se tani Edi Rama konkurron me Arbana Osmanin dhe emisionin e saj ?Si të të bëj të lumtur!?

Më tej, në vijim të ironisë së tij, Gjakmarkaj shkruan se ?Me gjasë do të rivalizojë personazhet e ekranit dhe aktorët e ?Portokallisë?! Nuk kuptohet mirë gjithë kjo xhelozi profesionale!?.

?Del i zoti i shtëpisë, fëmijët nga pas, zonja në anë dhe i presin, iu rrëfejnë si jetojnë, si e kanë të rrënuar banesën, sa larg e kanë shkollën e fëmijëve, si po i mbyt papunësia e plot halle të tjera, të gjitha të vërteta.

Po kaq të vërteta janë edhe dënesat e rrudhat në fytyrën e tyre kaq shumë të përhapura kudo në Shqipëri.

Zenitin skena e kap nga ndonjë lot i Ogertës, e cila e fshin atë gjithë pekule e delikatesë. Të këput shpirtin djallja. Regjia përkujdeset që çmeritja të dalë e plotë, por bashkë me të edhe shpresa, e cila përmbyllet me premtimin për riparim shtëpie, mobilie të reja, punë për etërit e shkollë për fëmijët! Një abrakadabra e Rilindjes.?-shkruan Gjekmarkaj.

Më tej, ai thekson se Edi Rama ka shpikur një mënyrë tejet origjinale për ta bërë skamjen që të flasë me vete, apo mbyllur në shishe si xhind! ?Nga jugu në veri ka zgjedhur nja 7 a 8 familje të këputura për t?i ndihmuar. Nuk dihen kriteret sesi një hallexhi përzgjidhet përkundrejt një tjetri në bingon e pushtetit! Ky Robin Hud që ndihmon hallexhinjtë pa shtëpi e pa katandi po na befason me gjetjen e re!?-thekson profesori i njohur.

Sipas Gjekmarkajt, “Edi Rama ka pothuaj 6 vjet në pushtet dhe po sillet sikur sapo e ka marrë atë, sikur rastësisht po zbulon të panjohurat tronditëse të vendit të tij.

Atë (varfërinë), të cilën duhej ta luftonte si plagën kryesore sociale po përpiqet ta shndërrojë në aleat. Në një këndvështrim izolacionist, shumë mirë që i ndihmon këto familje përtej teatrit të padinjitetshëm në kurriz të tyre. Mbështetja jepej edhe në heshtje, por ajo nuk shërben nëse nuk duket. Kjo nuk është mënyra që vë në vend dinjitetin njerëzor! Ky spektakël e nëpërkëmb atë çmos kurrkush.”/ CNA.al





Lajmet e fundit nga