web counter
LEXO PA REKLAMA!

SHKARKO APP

App Store
Google Play

Vettingu i politikanëve kusht i Bashës për rikthimin në parlament

18 Nëntor 2018, 12:37, Aktualitet CNA

Kreu i Partisë Demokratike, Lulzim Basha gjatë takimit me banorët e qytetit të Beratit ka deklaruar se opozita nuk kthehet në Kuvend, pa u bërë Vettingu i politikanëve.

Basha tha se Partia Demokratike ka shpalosur platformën e gjendjes në të cilën gjendet vendi.

?E para dhe më e rëndësishme, kjo nuk ka asnjë lloj kompromisi. Nuk bëhet asnjë kompromis pastrim i i politikanëve nga kuvendi që janë të lidhur me krimin. Kthimi në Kuvend me politikanët e lidhur me krimin, nuk ka dhe nuk do të ketë. Zgjidhja është para jush. Pika e dytë e opozitës është se nuk do të ketë më trajtim preferencial për politikanët.

Nëse duam zgjidhje institucionale, është miratimi i Vettingut dhe shporrja e politikanëve mafioz nga Kuvendi dhe bashkitë. Ata që bëjnë pakt për vota me kriminel, do përfundojnë në burg. Dekriminalizmi i zgjedhjeve nis me ndëshkimin e krimit elektoral, Edi Rama futi duart në zgjedhjet dhe këtë e dinë të gjithë si ne dhe miqtë ndërkombëtar?, – deklaroi ai.

Ndër të tjera gjatë fjalës së tij, Lulzim Basha u shpreh se nuk ka asnjë shans që të falimentojnë qytetarët shqiptar, por se do falimentojë qeveria Rama.

?Ta keni të qartë nuk do të falimentojnë qytetarët, por do të falimentoni ju dhe do i ktheni lekët një më një qytetarëve?, deklaroi Basha?, – vazhdoi Basha./ CNA.al





Lajmet e fundit nga