E fundit!

21:25 Aktualitet

"Përgjegjësit u dënuan"/ Blendi Klosi: Rrethimi në Zvërnec është hequr

Sekretari i Përgjithshëm i PS-së, Blendi Klosi, ka bërë me...

Skandal- Qeveria vjedh fondet e Diasporës/ TVSH merr paratë e emigrantëve

17 Nëntor 2018, 18:51, Aktualitet CNA

Shqiptarët në diasporë po bëhen shembull për tu ndjekur pavarësisht vështirësive në vendet ku ndodhen. Ata kanë mundur të ndërtojnë më së miri jetën dhe shumë prej tyre kanë qenë dhe të suksesshëm në sipërmarrjet e tyre.

Helidon Kastrati i lindur neëDurrës, i cili punon dhe jeton në Londër, është një inxhinier me një histori suksesi të jashtëzakonshme në atë çfarë ai ka arritur dhe përçuar atje, si dhe kontributin e dhënë për çështjen shqiptare. Ai ka guxuar të bëj atë që pak shqiptarë e kanë menduar ta bëjnë apo e kanë bërë, të ndërtojë një media për informim dhe edukim të shqiptarëve që punojnë jo vetëm në Britanin e Madhe, por dhe më gjerë. Helidon Kastrati ka ngritur kanalin e parë televiziv të diasporës ALBUK TV në Londër që transmeton në IPTV e kabllore të ndryshëm si dhe në dekodera.

Ky Televizion në Diasporë ka për qëllim promovimin e vlerave shqiptare si dhe për të ngritur emrin e Shqipërisë në botë, duke pas dhe një hapësirë në SKY-B në Britani. E gjitha kjo nis nga pasioni që Z. Kastrati ka për televizionin dhe dëshirën për të çuar në shtëpitë e shqiptarëve me banim në Britani dhe Diasporë gjuhën Shqipe.

Televizioni i tij ishte i vetmi që ishte i pranishëm në World Trading për turizmin, atje ku asnjë kamer shqiptare nuk shprehu interes për të qenë! As edhe kamerat e TVSH për të shoqëruar Ministrin Klosi që mori pjesë në këtë aktivitet së bashku me një grup operatorësh turistikë në Shqipëri.

Pra asnjë media si Kombëtare që paguhen nga taksapaguesit, por edhe ato private nuk arritën të pasqyrojnë këtë aktivitet, por ishte ALBUK TV që e pasqyroi dhe ku mori disa intervista në Anglisht të Ministrit Klosi dhe shoqëruesve për t?ia përcjell publikut Britanik. As edhe një mirënjohje për këtë nuk iu bë kësaj medie televizive që mbahet në jetë me shpenzimet e z. Kastarti dhe stafit të ALBUK TV që janë vullnetarë duke sjellë një larmishmëri programesh. E sigurisht të mbash një media është shumë e vështirë, por Z. Helidon Kastrati ka mundur të ia dal me vështirësi deri më tani që të prodhojë ALB UK TV, informacion dhe programacion të bollshëm.

Shteti Shqiptar bën vetëm propagandë dhe nuk kujdeset aspak për shtetasit e vet që prej gati 3 dekadash jetojnë dhe punojnë në Diasporë për t?iu dhënë mbështetje që brezat që lindin dhe rriten atje, të marrin informacion dhe kulturë përmes teksteve apo dhe mediave në Shqip siç është ky rasti, një histori suksesi e Z. Helidon Kastratit.

Qeveria Shqiptare jo vetëm nuk i mbështet këto media, të cilat janë urë kryesore e komunikimit të emigrantëve me njëri-tjetrin, por dhe me shtetin amë, por Qeveria paturpësisht nuk ka asnjë lloj bashkëpunimi me ta. E aq më tepër kur alokohet një fond për Diaporën dhe atë e merr TVSH në Tiranë duke hapur një kanal për mësimin e gjuhës Shqipe pa e ditur se ku janë këta emigrantë, sa janë në numër, sa të tillë regjistrojnë fëmijët e tyre për shtetësinë Shqiptare? Thjeshtë Qeveria përvetëson fondin e Disaporës në mënyrën më absurde dhe diletante të të vjedhurit të një fondi. Të paktën ta kishin bërë me një PPP këtë vjedhje të rradhës.

Qeveria nuk bashkëpunon me media e diasporës, por groposë lekët tek RTSH. Qeveria Shqiptare paturpësisht jo vetëm që nuk mbështet këtë media si rasti i medias së Z Kastrati, një pasuri e madhe shqiptare në diasporë, por paturpësisht vazhdon të groposë para në Televizionin Publik Shqiptar sërish në emër të diasporës. Ministri i Shtetit për Diasporën njoftoi të Mërkurën se qeveria ka miratuar projekt/vendimin për ?Prodhimin, Transmetimin dhe Financimin e emisioneve të posaçme televizive, arsimore dhe kulturore të dedikuara për Diasporën. Sipas këtij vendimi, pjesë e programit ?RTSH 3?, të Radiotelevizionit Shqiptar (RTSH) do të jenë emisione të posaçme televizive, për mësimin e gjuhës shqipe dhe për kulturën Shqiptare, të dedikuara për Diasporën.

Në vend që këto para të shkonin në origjinë, pra, për mediat e diasporës e konkretisht ALB UK TV që të mbështeteshin për prodhimin e emisioneve të veçanta për mësimin e gjuhës shqipe dhe emisione të posaçëm televizive për kulturën shqiptare në terren, atje ku mund të bëheshin dhe më shumë dhe me kosto më të lirë, këto fonde i çohen dhe groposen ne RTVSH. ALB UK TV, prej një viti është në transmetim me informacion dhe programacion të bollshëm dhe me kapacitete të mjaftueshme për t?i krye mësë miri detyrat funksionale për gjithçka theksohen në vendimin e qeverisë për RTSH apo dhe krijimin një programi televiziv për mësimin e gjuhës shqipe që do t?u kushtohet interesave të arsimimit për komunitetet shqiptare jashtë vendit.

E sigurisht nëse shteti do ta ofronte këtë mbështetje me fonde jo vetëm që prodhimi i emisioneve, programeve dhe dokumentarëve do të ishte i bollshëm, por të shërbente dhe për rritjen e medias në gjuhën shqipe ne diasporë e krijuar rishtaz nga shqiptarë të suksesshëm që kanë guxuar të ndërmarrin një nisëm të tillë e njëri prej tyre që meriton vlerësimin maksimal të çdo shqiptarë është edhe Helidon Kastrati. Projektvendimi i propozuar nga ministri Majko, tashmë një VKM (Vendimi I Keshillit te Ministrave), nukl bën gjë tjetër veçse do të heq disa dhjetëra apo qindra mijëra euro në mos më shumë euro nga buxheti i shtetit dhe efikasiteti nuk do të ishte ai i pritshmi.

E pra kesaj rradhe nuk kishte nevoje per PPP per te vjedhur.