web counter
LEXO PA REKLAMA!

SHKARKO APP

App Store
Google Play

Beteja për audiencë/ Çfarë na rezervojnë ekranet këtë të enjte

15 Nëntor 2018, 16:21, Aktualitet CNA

Prej kohësh televizionet shqiptare janë në betejë të vazhdueshme për audiencë dhe më e forta zhvillohet të enjte midis emisioneve politike që janë arenat më të mëdha të përplasjeve.

Këtë javë vëmendja është përqendruar më së shumti tek protesta e banorëve të Unazës, ku prej më shumë se 10 ditësh këta banorë kërkojnë nga kryebashkiaku i Tiranës dëmshpërblim 100% për banesat e tyre dhe më pas të vijojë projekti i Unazës së Madhe.

Kjo temë do të trajtohet në emisionin ?Opinion? të Blendi Fevziut në TV Klan dhe në emisionin ?Të Paekspozuarit? në News 24.

Gjithashtu ?Opinion? nuk do të lerë jashtë vëmendjes dënimin me 14 vite burg të Emiljano Shullazit, pas shumë e shumë seancash gjyqësore. Ndërsa ?TPZ? do të trajtojë edhe temën ?Rrugët e florinjta të Edi Ramës? ku të ftuar do të jenë Selami Xhepa, Mentor Nazarko, Bushati dhe deputetja demokrate, Jorida Tabaku.

Në emisionin ?Real Story? të Sokol Ballës në Vizion Plus do të jetë i ftuar kryetari i Partisë Demokratike, Lulzim Basha, ku do të flasë për çështjet më te fundit të aktualitetit dhe zgjedhjet e qershorit 2019.

Në emisionin ?Open? në Top Channel të Eni Vasilit do të jetë i ftuar presidenti i Republikës Ilir Meta. Ai pritet të flasë për mosdekretimin e Sandër Lleshit dhe shumë tema të tjera të aktualitetit politik.

Ndërsa Artur Zheji pritet të vazhdojë tallavanë e zakonshme me disa të ftuar në një televizion periferik me titra./ CNA.al





Lajmet e fundit nga