web counter
LEXO PA REKLAMA!

SHKARKO APP

App Store
Google Play

E fundit!

x

Xhafaj iku, por drejton dy institucione  

6 Nëntor 2018, 13:51, Aktualitet CNA

Rreth 10 ditë më parë, të shtunën e javës së kaluar, papritur Fatmir Xhafaj dha dorëheqjen nga drejtimi i Ministrisë së Brendshme.

Në qarqet mediatike u fol se më tepër sesa një dorëheqje e Xhafajt, në fakt duket të ketë qënë një shkarkim nga kryeministri Rama.

CNA.al raportoi se ka pasur një tensionim dhe një përplasje mes Xhafajt dhe Ramës, dhe pas kësaj ky i fundit i ka kërkuar të japë dorëheqjen. Madje gjatë një takimi në Lushnje, kreu i qeverisë i drejtoi një mesazh indirekt Xhafajt, ndërsa tha se ?ai që gjuan me gurë shtëpinë, del jashtë saj?.

Ky u perceptua në media si një mesazh që Rama i drejtoi Fatmir Xhafës, i cili mesa duket po i dilte nga kontrolli kryeministrit.

Por, edhe pse në media u përfol për një përplasje të mundshme mes Xhafajt dhe Ramës, në fakt këta të dy sot dolën nga ambientet e Ministrisë së Brendshme, krah për krah dhe për më tepër, Xhafaj doli mjaft i buzëqeshur para mediave.

Por, pse Xhafaj dukej kaq i lumtur?

Në fakt ka një arsye pse Xhafaj ishte i buzëqeshur sot para mediave, edhe pse Rama e përzuri nga kabineti qeveritar.

Fatmir Xhafaj, përtej faktit që ishte ministër i Brendshëm, kishte nën kontroll edhe një ministri tjetër dhe një institucion të pavarur.

Në qarqet mediatike dhe jo vetëm, në qeveri dhe deputetë, e dinë se ai ka nën kontroll edhe ministrinë e Drejtësisë dhe Prokurorin e Përgjithshëm.

Gjithçka fillon tek ministrja e Drejtësisë, ku Etilda Gjonaj është emëruar prej tij, por nuk mbyllet thjeshtë me emërimin e saj si ministre dhe zgjedhjen e saj nga kryeministri. Fatmir Xhafaj komandon, emërimet, shkarkimet dhe politikat që zhvillohen në ministrinë e Drejtësisë, të cilën ai e ka drejtuar në vitet 2004-2005. Ndoshta nuk i ndahet shpirti nga ai institucion ku u akuzua për afera korruptive dhe skandale që ende nuk janë harruar.

Por, një tjetër institucion mjaft i rëndësishëm që është nën kontrollin e Fatmir Xhafës, është edhe Prokuroria e Përgjithshme. Kryeprokurorja e Përkohshme, Arta Marku është një produkt i Fatmir Xhafajt, që drejton një institucion të pavarur dhe nuk ka asnjë varësi nga qeveria.

Për me tepër ka edhe një detaj që e vërteton faktin që Arta Marku qëndron në atë pozicion si punonjëse e Fatmir Xhafajt. Pas emërimit të saj si Prokurore e Përgjithshme e Përkohshme, Arta Marku i shkoi në zyrë ministrit, në një mbledhje edhe me ministra të tjerë, a thua se ishte shefja tjetër e kabinetit të Fatmir Xhafës, por që qëndronte në Prokurorinë e Përgjithshme. Marku në atë rast ishte një zyrtare që jo pa qëllim ngatërroi pozicionin e saj. Ajo mund të qëndrojë dhe të shkojë në takim me Ministrin por kurrësesi si vartëse e tij.

Pra, janë këto faktet e sipërpërmendura, pse Fatmir Xhafaj ende shfaqet para mediave me buzëqeshje vesh më vesh, pasi edhe pse zyrtarisht është jashtë kabinetit qeveritar, faktikisht ka në dorë drejtimin e një tjetër ministrie dhe një institucioni të pavarur.

Edhe pse para mediave përpiqen të prezantojnë një raport ?shembullor?, në fakt Xhafaj vijon ta sfidojë Ramën. Mesa duket, Xhafaj vijon të ketë një ?AS? nën mëngë, ndaj të cilit Rama mbetet peng./CNA.al

SUPERBIG-ministri që drejton dy ministri dhe një institucion të pavarur





Lajmet e fundit nga