web counter
LEXO PA REKLAMA!

SHKARKO APP

App Store
Google Play

E fundit!

x

Kaosi i Lulzim Bashës/ Dy qëndrimet kontradiktore për Fatmir Xhafën

3 Nëntor 2018, 10:18, Aktualitet CNA

Kryetari i PD, Lulzim Basha njihet për qëndrimet e tij kontradiktore, paqartësinë dhe rrëmujën që krijon kot së koti me deklaratat e tij publike. Sot gati një javë pas dorëheqjes së Fatmir Xhafës nga drejtimi i ministrisë së Brendshme, nga Lulzim Basha kemi dy qëndrime në 5 ditë.

I pari vjen nga takimi në Manëz dhe i dyti dje në emisionin ?Zonë e Lirë? të Arjan Çanit në TV Klan.

CNA.al thjesht ka bërë një monitorim të thjeshtë të fjalimeve të Lulzim Bashës. Në Manëz, Basha tha se Fatmir Xhafën e hoqi opozita dhe qëndrimet e saj, ndërsa dje doli me tezën se e hoqi Rama për Vangjush Dakon. Sot e në vazhdim mund të ketë dhe të tjera, që e hoqën Gjermanët, amerikanët apo rusët.

Le të shohim këto dy që kemi. Kreu i PD shpesh del zbuluar dhe nuk përgatitet, pa folur se nuk mban mend çfarë ka thënë një ditë më parë, ky si një ves gënjështari apo edhe ndoshta sklerozë, të cilën duhet të shkojë ta kurojë. Më poshtë po sjellim dy qëndrimet e zbardhura sipas atyre që ka thënë vetë Lulzim Basha në Mnaëz dhe dje tek Çani:

Basha pesë ditë më parë në Manzë:
?Nuk ka meritë as ministri tjetër i Habilajve dhe askush tjetër për largimin e Fatmir Xhafës. Largimi i Fatmir Xhafës është dëshmi e forcës së pathyeshme të opozitës dhe Partisë Demokratike bashkë me qytetarët shqiptarë në luftën kundër krimit?.

Basha mbrëmë te Çani:
?Kjo në thelb është një përplasje klanesh politike dhe bandave që qëndrojnë pas tyre. Pra, një klan i fuqishëm politik, ai i Tahirit, ku përfshihen edhe zyrtarë të tjerë të PS, eksponentë të PS siç është Vangjush Dako, dhe një klan tjetër politik, po edhe ky i lidhur me bandat, ku përfshihet Fatmir Xhafaj dhe zyrtarë të tjerë të lartë, janë përplasur për pushtet dhe kontroll. Kjo është përplasje klanesh për pushtet dhe prapa atyre klaneve qëndrojnë bandat e të dyja klaneve. Pra, në këtë kuptim, qëndrimi i Ramës është qëndrimi i një njeriu që mundohet të kufizojë dëmin?./ CNA.al

Basha flet me emra/ Tregon dy klanet brenda mazhorancës

Dorëheqja e Xhafajt/ Basha: Kishte frikë se nuk i shpëtonte hetimit

Dorëheqja e Xhafajt/ Basha: Ky është vetëm fillimi





Lajmet e fundit nga