web counter
LEXO PA REKLAMA!

SHKARKO APP

App Store
Google Play

E fundit!

x

Qytetari dixhital fut në kurth Berishën/ Reagon Policia e Shtetit

3 Nëntor 2018, 09:02, Aktualitet CNA

Ish-kryeministri Sali Berisha, publikoi dje në rrjetet sociale denoncimin e një qyteti dixhital, sipas të cilit djali i kryebashkiakut të Kurbinit Artur Bardhit ka shkaktuar një aksident ku ka dhe të plagosur por ngjarja u fsheh nga babai i tij dhe deputeti Pjerin Ndreu.

Ndërkohë, pas këtij denoncimi ka reaguar Policia e Shtetit, e cila në një deklaratë për mediat mohon që ngjarja të jetë fshehur dhe se aksidenti është pasqyruar në komunikatën ditore. Po kështu sipas policisë për këtë ngjarje janë kryer të gjitha verprimet hetimore.

Ndërkohë policia deklasifikon komunikatën operative ditore për të bërë transparencë.

Në njoftimin e policisë thuhet se janë referuar materiale në Prokurori për shtetasin F.P., 32 vjeç, banues në Laç pasi në aksin rrugor Thumanë-Mamurras, duke drejtuar mjetin tip ?Benz? është përplasur me shtyllat e ndriçimit të rrugës, për pasojë janë dëmtuar drejtuesi i mjetit dhe pasagjeri shtetasi K.I., 17 vjeç, banues në Laç, të cilët ndodhen në spital jashtë rrezikut për jetën. Por personat e përmendur në njoftimin e policisë, sipas inicialeve të publikuara nuk kanë lidhje me kryetarin e Bashkisë Artur Bardhi.

Deklarata e plotë e policisë:

Lidhur me një status në rrjetin social Facebook, të deputetit Berisha, sqarojmë se Policia nuk ka fshehur asnjë ngjarje.

Ajo është pasqyruar si çdo ngjarje tjetër në komunikatën ditore në ëeb në faqen zyrtare të Policisë së Shtetit, më datë 1 nëntor 2018, dhe për këtë ngjarje janë kryer të gjitha veprimet hetimore të cilat i janë përcjellë si materiale procedurale Prokurorisë pranë Gjykatës Shkallës Parë Kurbin.

Ky është njoftimi i plotë për ngjarjen:

Më datë 31.10.2018, u referuan materialet në Prokurorinë pranë Gjykatës së Shkallës së Parë Kurbin, për shtetasin F.P., vjeç 32, banues në Laç – Kurbin, pasi në aksin rrugor Thumanë-Mamurras, duke drejtuar mjetin tip ?Benz? është përplasur me shtyllat e ndriçimit të rrugës, për pasojë janë dëmtuar drejtuesi i mjetit dhe pasagjeri shtetasi K.I., vjeç 17, banues në Laç, të cilët ndodhen në spital jashtë rrezikut për jetën (nenet 290/1 dhe 161 të Kodit Penal).

Policia e Shtetit në kuadër të transparencës, deklasifikon komunikatën operative ditore e cila është e publikuar ne ëebin zyrtar të Policisë së Shtetit.

Ftojmë cilindo, që para se të akuzojë Policine për fshehje të ngjarjeve, më parë të vizitojnë faqen zyrtare të Policisë së Shtetit.

Denoncimi i Berishës:

Reagimi i Policisë:





Lajmet e fundit nga