web counter
LEXO PA REKLAMA!

SHKARKO APP

App Store
Google Play

E fundit!

x

Xhafaj si Kotzias

27 Tetor 2018, 15:59, Aktualitet CNA

Fatmir Xhafaj në muajin maj ishte vënë në qendër të sulmeve nga opozita që lidheshin me vëllain e tij, Agron Xhafajn, i cili ishte dënuar në Itali për trafik ndërkombëtar droge. Madje Lulzim Basha deklaroi në fillim se Xhafaj hyn në Ministrinë e Brendshme vetëm duke kaluar mbi trupin e tij. Por, Xhafaj rezistoi. Në momentet kur furtunat e mëdha kishin në qendër Xhafajn, ai ka rezistuar, ka tentuar të reagojë nisur nga aksionet në të gjithë vendin ditët e fundit ku u kapën katër grupe njëherazi.

Për më tepër, kryeministri Rama thoshtë nëpër daljet publike se nëse akuzat ndaj Xhafës ishin të vërteta atëherë do të reagonin ndërkombëtarët, duke lënë të kuptohej se kishte edhe mbështetjen e tyre.

Por, çfarë ndodhi sot?

Ndërkohë që Xhafaj u rezistoi ?furtunave?, akuzave të opozitës dhe skandaleve, mëngjesin e sotëm papritur u njoftua se kishte dhënë dorëheqjen nga detyra.

Pra, pas suksesit te arrestimit te dy ish deputeteve socialistë dhe disa bandave mafioze, Xhafaj jep dorëheqjen.
Kujtojmë këtu se e njëjta histori ndodhi edhe me ministrin e Jashtëm të Greqisë, Nikos Kotzias.

Pra, Xhafaj dha dorëheqjen pas një mega-operacioni që çoi në pranga dy-ish deputetë të PS dhe goditi bandat kriminale, ndërkohë që Kotzias dhe dorëheqjen pas suksesit të marrëveshjes për emrin e Maqedonisë.

Po ashtu ka edhe një tjetër detaj, të dy si Fatmir Xhafaj edhe Kotzias kishin kontradikta me kryeministrat.
Fatmir Xhafaj jo pak herë është folë në qarqet mediatike se po i dlite nga kontrolli Ramës, ndërsa CNA.al raportoi sot se ka pasur edhe një përplasje të fortë me kryeministrin, gjë e cila ka çuar deri në dorëheqjen e tij.

E njëjta situatë ka ndodhur edhe me Kotzias. Ditën që ky i fundit dha dorëheqjen, mediat greke raportuan gjithashtu se Kotzias ishte i pakënaqur për faktin se kryeministri Alexis Tsipras nuk e mbështeti atë gjatë sulmeve të ministrit të Mbrojtjes, Panos Kammenos, i cili e akuzonte si njeri të Soros./ CNA.al





Lajmet e fundit nga