web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Çfarë ndodhi mes Ramës e Xhafajt

27 Tetor 2018, 12:26, Aktualitet CNA

Ekskluzive/ Çfarë ndodhi mes Ramës e Xhafajt

Mëngjesin e sotëm, kryeministri Edi Rama nëpërmjet një postimi në rrjetet sociale, njoftoi dorëheqjen e Fatmir Xhafajt nga detyra e ministrit të Brendshëm.

Por, çfarë ndodhi mes Ramës dhe Xhafajt, që çoi deri në largimin e këtij të fundit nga kabineti qeverisës.

Burime për CNA.al bëjnë të ditur se prej disa kohësh flitej se Rama dhe Xhafaj kishin përplasje të forta dhe së fundi mësohet se ka pasur një sherr dhe një përplasje të ashpër, i cili më pas ka çuar edhe në largimin e Xhafajt.

Ndërkohë që para një jave Fatmir Xhafaj ishte ministri i ndërkombëtareve dhe që kishte mbështetjen e Ramës, ministri që i ftonte gazetarët të rrinin pas derës sepse do të kishte megaoperacione, arrestime dhe goditje krimi, sot befas është zgjuar i larguar nga detyra.

Po të njëjtat burime theksuan për CNA.al se pas një sherri dhe përplasje të fortë së fundi mes Ramës dhe Xhafajt, kryeministri i ka kërkuar të paraqesë dorëheqjen, duke goditur kështu “dy zogj me një gurë”.

Me largimin e Fatmir Xhafajt, Rama nga njëra anë i përgjigjej akuzave të opozitës dhe nga ana tjetër largoi nga qeveria personin, i cili nëpër qarqet mediatike flitej edhe se kishte krijuar një klan të tij brenda mazhorancës dhe duket se i kishte dalë nga kontrolli kryeminsitrit.

Gjithashtu mes Ramës dhe Xhafajt mësohet se ka pasur edhe më parë përplasje, por këtë herë duket se kupa është mbushur dhe ka çuar në largimin e Xhafajt./CNA.al





Lajmet e fundit nga