Paralajmërimi i fortë pas largimit të Xhafajt/ Rama do vazhdojë akoma

27 Tetor 2018, 09:43, Aktualitet CNA

Deputeti i Partisë Demokratike, Ervin Salianji ka reaguar pasi kryeministri Edi Rama njoftoi se e kishte pranuar dorëheqjen e ministrit të Brendshëm, Fatmir Xhafajt.

Në një postim në rrjetet sociale deputeti ka shkruar se Xhafaj ishte i përdoruri i radhës dhe i hedhuri i fundit i Ramës.

?Shqiperia sot është e ndarë në parcela për banditët, burimet natyrore, pasuritë, kapitali njerezor, administrata publike janë të gjitha në shërbim të bandave dhe banditëve që janë krijuar dhe i shërbejnë Ramës. Beteja e opozitës me krimin, në 5 vite ka rrëzuar shumë ministra, deputetë dhe kryebashkiakë, ka burgosur shumë banditë por sistemi i Ramës prodhon dhe do prodhojë shërbëtorë të tjerë të krimit dhe bandave? ? ka shkruar Salianji më tej në postimin tij.

Ndër të tjeta ai ka theksuar se beteja me krimin është beteja me vetë Ramën.

Postimi i plotë

Xhafaj ishte i përdoruri i radhës dhe i hedhuri i fundit i Ramës!

Rama i përdor për të mbështetur krimin dhe bandat, për të blerë dhe intimiduar votuesit, i përdor deri ne fund për të prodhuar para dhe pushtet politik dhe pastaj zgjedh shërbëtorë edhe më të përulur!

Pas skandalit XhafajGate të denoncuar nga PD, Rama u përpoq të mbulonte çdo përfshirje të pushtetit në krim, duke u përfshirë edhe më shumë në krim, ndërsa Ministria e Brendshme dhe prokuroria me urdhër të Ramës manipulonte dosjen e hetimit për të shpetuar pushtetin e Ramës dhe për të burgosur gazetarin.

Të vërtetën nuk e mbulojnë as paratë, as pushteti dhe as forca e krimit.

Sot Është edhe më e qartë që Shqipëria vuan pasojat e një sistemi të ngritur nga Rama dhe të përdorur prej Ramës.

Shqiperia sot është e ndarë në parcela për banditët, burimet natyrore, pasuritë, kapitali njerezor, administrata publike janë të gjitha në shërbim të bandave dhe banditëve që janë krijuar dhe i shërbejnë Ram?s.

Beteja e opozitës me krimin, në 5 vite ka rrëzuar shumë ministra, deputetë dhe kryebashkiakë, ka burgosur shumë banditë por sistemi i Ramës prodhon dhe do prodhojë shërbëtorë të tjerë të krimit dhe bandave.

Beteja me krimin është beteja me vetë Ramën!/ CNA.al