web counter
LEXO PA REKLAMA!

SHKARKO APP

App Store
Google Play

Kujt po i tunden prangat?!  

22 Tetor 2018, 08:22, Aktualitet CNA

Në tre ditët e fundit policia ka filluar një operacion të gjerë, i cili pretendohet të jetë në të paktën 12 qytete, ku janë arrestuar drejtues dhe anëtarë të paktën të katër grupeve kriminale. Nga ana tjetër në pranga kanë rënë edhe dy ish deputetë të PS-së që kanë mbajtur edhe poste të rëndësishme në administratë.

Arrestimet përtej dyshimit se mund të quhen një show duhet të jenë të mbështetura mbi fakte dhe prova. Jo vetëm shoqërime, të cilat mund të përfundojnë me lirimin e të akuzuarve dhe në fund të gjithë operacionet policore të kthehen në një mega show të qeverisë për të justifikuar situatën e krimit në vend.

Arrestimi i dy ish-deputetëve mund të jetë një sinjal i mirë, por ata janë thjeshtë ?-ish?. Nisje e mbarë, por shumë pak krahasuar me gjendjen e krimit në vend, situatën në trafikun e drogës, si dhe influencën e grupeve kriminale në politikë.

Arrestimi i ndonjë ministri të kabinetit Rama, drejtori të rëndësishëm në detyrë, apo ndonjë ish-ministri do të ishte lajm i mirë për shqiptarët. Ndoshta edhe ata me imunitet dhe nga një pjesë e madhe e atyre që ndodhen në parlament, në PS, PD apo LSI. Ky do të ishte një lajm që ngrohte shqiptarët.

Arrestimet e bëra nga policia ende nuk janë as ?peshqit?, as ?peshkaqenët? që duhet të përfundojnë vërtetë pas hekurave. Janë thjeshtë “sardele” të zakonshme që më shumë bëjnë zhurmë mediatike dhe show sesa në të vërtetë të quhen goditje të mëdha ndaj krimit dhe luftë pa kompromis ndaj tij./ CNA.al





Lajmet e fundit nga