web counter
LEXO PA REKLAMA!

SHKARKO APP

App Store
Google Play

E fundit!

x

Video e papublikuar/ Mbreti Zog në Paris, gusht 1939

22 Tetor 2018, 07:46, Aktualitet CNA

Gazetari Ilir Konomi, në një postim në rrjetet sociale, ka publikuar një video të Mbretit Zog në Paris, në gusht të vitit 1939.
Në postimin tij, Konomi shkruan se ?video e shkurtër tregon mbretin Zog duke vendosur një kurorë në varrin e Ushtarit të Panjohur nën Harkun e Triumfit në Paris. Data është 21 gusht, 1939.?
Zogu arriti në Francë në fillim të gushtit 1939, pas një udhëtimi të gjatë, së pari në Greqi, pastaj në Turqi, Rumani, Poloni, Letoni, Suedi, Norvegji dhe Belgjikë.

?Mbreti Zog në Paris, gusht 1939
Kjo video e shkurtër tregon mbretin Zog duke vendosur një kurorë në varrin e Ushtarit të Panjohur nën Harkun e Triumfit në Paris. Data është 21 gusht, 1939.
Videoja është pjesë e dokumentarëve të lajmeve që shfaqeshin në kinematë franceze të kohës dhe deri dje ishte e mbuluar nga pluhuri i historisë.
Zogu arriti në Francë në fillim të gushtit 1939, pas një udhëtimi të gjatë, së pari në Greqi, pastaj në Turqi, Rumani, Poloni, Letoni, Suedi, Norvegji dhe Belgjikë.
Ai u vendos në Chateau de la Maye të Versajës me Mbretëreshën Geraldine, djalin disamuajsh Leka I dhe suitën e tyre.
Një turmë kurreshtarësh është mbledhur pranë Harkut të Triumfit për të parë mbretin shqiptar, largimi i të cilit nga Shqipëria disa muaj më parë kishte bërë bujë në shtypin europian.
Më 7 prill 1939, Shqipëria e Zogut ishte pushtuar nga Italia e Benito Mussolinit me një akt prej gangsteri dhe Europës po i hynin të dridhurat.
Në një plan më personal, Mbreti Zog ishte martuar vetëm një vit më parë me hungarezen Geraldine dhe bebja e çiftit mbretëror shqiptar ishte vetëm dy ditëshe kur ndodhi pushtimi.
Zogu nuk qëndroi shumë në Paris, sepse më 10 maj 1940 Hitleri sulmoi Francën dhe e pushtoi brenda 6 javësh. Familja mbretërore u detyrua të mërgojë në Angli.?-shkruan Konomi në postimin e tij.





Lajmet e fundit nga