web counter
LEXO PA REKLAMA!

SHKARKO APP

App Store
Google Play

Arrestimet e bujshme/ Ish-ministri i Ramës kërkon dorëhqjen e Xhafajt

22 Tetor 2018, 16:09, Aktualitet CNA

Pas dorëheqjes së drejtorit të Përgjithshëm të Transportit Rrugor, Arben Isaraj, si pasojë e arrestimit të të vëllait, Altin Isuraj në aksionin e ndërmarrë mbrëmjes së djeshme nga forcat RENEA, ka reaguar ish-ministri i Drejtësisë në qeverinë Rama1, Ylli Manjani.

Në një postim në rrjetet sociale, Manjani shkruan se Arben Isaraj dha dorëhqjen si pasojë e arrestimit të të vëllait, Altin Isaraj, ndonëse akuza është shumë më e lehtë se ajo që rëndon mbi Agron Xhafajn, kurse vëllai i tij, Ministri i Brendshëm, Fatmir Xhafaj qëndron në detyrë.

Më tej ish-ministri ka përshëndetur vendimin e Arben Isarajt.

Postimi i plotë:

Vëllai i Arben Isarait u arrestua për shumë më pak nga sa ka bërë vëllai i Fatmir Xhafajt.

Megjithatë Arbeni dha dorëheqje nga një funksion shumë më të pa rëndësishëm sesa ai që mban Fatmiri.

E përshëndes zotin Arben Isaraj për qytetarinë dhe nivelin e lartë etik e profesional!

Ky është standarti i sjelljes se zyrtarit publik, standart të cilin Rilindja na e kishte fshirë nga memoria politike./ CNA.al





Lajmet e fundit nga